Постојат симтптоми кои никако не смеете да ги игнорирате, но и оние кои делуваат застрашувачки, а всушност се целосно безопасни. Во продолжение ви претставуваме четири такви симптоми.
- КРАТОК ЗДИВ
Без сомнение, многу е страшно кога не можете да дишете и да земете воздух. “Недостатокот на здив може да биде загрижувачки и непријатен за многу луѓе и тие мислат дека се работи за проблем поврзан со срцето“, вели докторот Махмуд Кара, додавајќи дека со вашето срце најверојатно се е во ред.
“Најчеста причина за отежнато дишење или краток здив се состојби кои воопшто не се сериозни, како што се постназално капење, рефлукс на киселина или напади на паника“, објаснува докторот.
Меѓутоа, ако мислите дека нешто е сериозно, секако контактирајте го вашиот лекар.
БОЛКА ВО ГРАДИТЕ
“Слично како и краткиот здив, болката во градите може да биде алармантна бидејќи огромното мнозинство веднаш помислува на срцев удар. Сепак, исто како и отежнато дишење, најчестите причини за болка во градите се мускулно-скелетни болки, напади на паника или рефлукс на киселина“, вели д-р Кара.
Сепак, од клиниката Мајо порачуваат дека доколку почувствувате необјаснета болка во градите, повикајте Брза помош. “Не губете време на страв од срам ако не се работи за срцев удар. Дури и ако причината е нешто друго, мора веднаш да ве прегледа лекар“, порачуваат тамошните лекари.
- СРЦЕБИЕЊЕ
Како и болката во градите, чукањето или прескокнувањето на срцето може да биде алармантно. Но, како и кај болката во гради, срцебиењето не е скогаш показател за проблеми со срцето.
“Често сум имал искуства во кои пациентите чувствувале палпитации во контекст на вознемиреност, анксиозност, па отишле во Ургентен и утврдиле дека имаат паничен напад“, вели психијатарот Брус Баси и додава дека ако симптомите се нови, се менуваат или се поврзани со други симптоми, треба да направите преглед кај лекар.
- ТРНЕЊЕ/ВКОЧАНЕТОСТ ВО РАЦЕТЕ И НОЗЕТЕ
Вкочанетоста и/или слабоста на едната страна од телото често може да бидат показател за мозочен удар, предизвикувајќи луѓето да ги помешаат вкочанетоста или трнењето во екстремитетите (на пр. прсти или стапала) за симптоми на мозочен удар“, вели д-р Кара. Меѓутоа, „во повеќето несериозни медицински случувања кои не се сериозни, ова трнење може да биде поврзано со повеќе периферни невролошки состојби, како што е вклештување на нервите“.
