Без оглед на тоа какво е вашето целокупно здравје, лекарката Брунилда Назарио тврди дека некои грешки ги правиме речиси сите, па дури и оние кои немаат никакви здравствени проблеми. Многу луѓе во топ форма имаат некои навики со кои ризикуваат потенцијални болести и повреди, а за тоа и да не се свесни. Во продолжените ви претставуваме листа на најчести грешки што ги правиме речиси сите.
- Премалку сон
“Следниот ден може да ве направи мрзоволни и растресени, што ви го отежнува фокусирањето на секојдневните задачи. Меѓутоа, тоа е само еден од потенцијалните проблеми. Имено, долгорочното губење на сонот е поврзано со деменција, срцеви заболувања, дијабетес и обезност. На таа листа можете да додадете и проблеми со имуниот систем, депресија и анксиозност, како и постојани болки. На возрасните им требаат седум до девет часа сон, а на децата и тинејџерите уште повеќе“, објаснува д-р Назарио.
- Недоволен внес на вода
“Вашето тело испраќа сигнали кога сте гладни или жедни. Но, лесно е да се помешаат овие две работи. И двете чувства може да предизвикаат главоболка или да се чувствувате уморни или исцрпени. Следниот пат кога ќе помислите дека сте гладни, обидете се прво да испиете чаша вода. Други знаци дека ви требаат повеќе течности се суви очи или кожа, сува уста, темна урина и ретко мокрење“, објаснува д-р Назарио.
- Премногу седење
“Повисоките стапки на смртност од болести на срцето, рак и други причини поврзани со здравјето се поврзани со седењето повеќе од шест часа на ден. Прекинете го седењето со неколку минути одење, на секој половина час. Постојат докази дека барем еден час физичка активност на ден може да надомести некои од несаканите ефекти од предолгото седење“, вели д-р Назарио.
- Миење заби веднаш после јадење
Д-р Назарио предупредува дека никогаш не смееме да ги миеме забите веднаш по јадење, особено ако претходно сме јаделе нешто кисело. “Почекајте еден час со четкањето после јадење или пиење, особено ако сте јаделе нешто кисело. Имено, киселината може да ја омекне глеѓта или заштитниот слој на забите, па доаѓа до нејзино оштетување доколку четкате веднаш“, објаснува докторката.
- Користење на стапчиња за уши
За штетноста од користењето стапчиња за уши веќе подолго време се зборува, а на тоа предупредува и докторката. “Со ваквиот начин на чистење на ушите можете да го турнете насобраниот восок подлабоко во ушниот канал, а би можеле и да го дупнете тапанчето ако стапчето отиде предалеку, што може да предизвика губење на слухот. Затоа не ви е потребно нивно користење бидејќи нашите уши прилично добро се чистат и сами“, објаснува д-р Назарио.
- Нанесување на заштитен фактор само во летните месеци
Една од најголемите грешки што ја прават повеќето луѓе е е ставањето крема со заштитен фактор само во летните месеци. Имено, сонцето е исто толку опасно и во зимските денови. “Ултравиолетовата светлина е главната причина за рак на кожата, а сончевите УВ зраци се присутни во текот на целата година. Затоа препорачуваме да користите крема за сончање секогаш кога излегувате надвор, дури и ако е облачно. Бидете особено внимателни во близина на снег, песок или вода бидејќи тие можат да ги рефлектираат сончевите зраци. Користете крема за сончање со заштитен фактор 30 или повисок и задолжително покријте ги сите изложени области, вклучувајќи ги усните и ушите“, советува д-р Назарио.
