Раните симптоми на болестите на срцето се толку суптилни, што многумина ги пропуштаат. Во САД е спроведено истражување, кое е објавено во стручното списание на Американското здружение за срце, а во резултатите се наведува дека, и покрај фактите, голем број жени не се воопшто свесни за својот ризик, многумина не знаат кои се симптомите на инфаркт и не знаат колку се опасни болестите на срцето. Истражувањето се спроведувало во периодот од 2009 до 2019 година и открило дека свесноста за водечката причина за смрт се намалила за 20 проценти.
Додека нелагодноста во градите е вообичаен симптом, останатите не се толку поврзани со оваа состојба, како вртоглавица, отежнато дишење и мачнини.
Останатите симптоми може да вклучуваат:
- Непријатност или болка во грбот, вилицата, стомакот и рацете (лева и десна)
- Ладна пот
- Краток здив
- Повраќање
- Болка во градите
Д-р Ева Шелтон наведува дека постојат два типа на срцев удар, оној на лева страна и оној на десна. Кога ќе дојде до оној на левата страна, крвта и течноста се повлекуваат во белите дробови, па доаѓа до отежнато дишење и кашлање.
Но, со оглед дека кашлицата може да значи и дека се работи за други бројни состојби, од настинка до болест на штитната жлезда, како може да знаете дека значи срцева болест?
ВЛАЖНА КАШЛИЦА
Кога ќе стопира дотокот до срцето поради затајување на срцето, се јавува чувство во белите дробови како да се давите. Токму затоа се јавува потреба од кашлање како резултат на оваа акумулирана течност, а од оваа причина ваквата кашлица може да се карактеризира како влажна.
СУВА КАШЛИЦА
Иако влажната кашлица може да значи срцева болест, сувата кашлица исто така може да биде симптом. “Постојат ситуации во кои белите дробови не можат да го исфрлат вишокот течност, па тоа се нарекува сува кашлица. Причината е иста, насобирање на вода во белите дробови, која доколку не може да се искашла може да звучи како симптом на астма“, наведува докторката.
РОЗОВА СЛУЗ
Ако искашлувате слуз што има светла боја на крв, ова може да биде симптом на инфаркт, стои на страниците на Американското здружение за срце. Ова се случува кога срцето не може да го следи снабдувањето со крв.
НАРУШУВАЊЕ НА СОНОТ
Кога белите дробови се зафатени со течноста што се насобира во нив, може да дојде до силна кашлица која се јавува ноќе, како апнеа во сон – будење во текот на ноќта поради отежнато дишење, неможност за дишење, кашлање и чувство дека морате да седнете или да станете, што може да го реши проблемот за неколку минути.
КАШЛИЦА ШТО НЕ СЕ СМИРУВА
Д-р Миријам Џејком, експерт за срцеви заболувања, наведува дека со текот на времето, ако симптомите не се повлечат, често кај пациентите се забележува дека на крајот дијагнозата му е срцева слабост или затајување на срцето.
Најчеста причина за долготрајна кашлица може да биде астма или хронично заболување на белите дробови – две состојби кои можат да предизвикаат воспаление на белите дробови, но може и да се лекуваат. Ако и тогаш кашлицата не помине, може да се работи за срцева болест.
ЧУВСТВО ДЕКА ИМАТЕ МЕУРЧИЊА ВО БЕЛИТЕ ДРОБОВИ
Повторно, ова се должи на акумулација на вода во белите дробови што може да предизвика чувство како да имате меурчиња што ќе пукнат. Доколку забележите други симптоми на срцев удар покрај овој, задолжително посетете лекар за да ја процени состојбата.
