Токму вашиот социјален живот може да влијае на грижата за здравјето, а тоа го потврдуваат и новите истражувања. Една неодамнешна студија покажала колку е важна социјалната поврзаност за долгорочната благосостојба, особено кога станува збор за здравјето.
Резултатите од студијата објавена во списанието Journal of the American Geriatrics Society откриваат дека социјалната изолација е поврзана со зголемен ризик од развој на деменција. Студијата следела околу 5.000 здрави луѓе на возраст над 65 години. Околу 23 отсто од учесниците не учествувале многу во општествениот живот.
Социјалната изолација се мерела во зависност од тоа дали личноста живее сама, дали разговарала за важни работи со пријателите во изминатата година или учествувала во некои настани. Оние кои дале негативни одговори на сите прашања се во групата на социјално изолирани.
Во текот на следните 9 години, истражувачите периодично правеле когнитивни тестови на испитаниците, а околу 21 отсто од испитаниците развиле деменција во тој период. Но, во групата на оние кои се социјално изолирани, деменција се развила во дури 26 проценти од случаите.
Според студијата, лошиот социјален живот е чест, па во Америка секој четврти знае што значи тоа, а освен со деменција, се поврзува и со други опасни состојби како срцеви заболувања, мозочен удар и депресија, наведуваат експертите од Центарот за контрола и превенција на болести – ЦДЦ.
