Дали е доволно папокот само да се чисти кога се тушираме или на него треба да обрнеме повеќе внимание? Дерматолозите велат дека не е се така едноставно.
ТРЕБА ЛИ ДА СЕ ЧИСТИ ПАПОКОТ?
“Да, секако, тој мора да се чисти како и останатиот дел од кожата“, вели д-р Гери Голдберг, дерматолог. Без оглед дали вашиот папок е испапчен или вовлечен, на него може да се насобере прашина, нечистотии и бактерии, а се проценува дека околу 67 различни видоби на бактерии живеат на подрачјето на папокот. Ако папокот не ви е вовлечен, ќе биде поедноставен да се измие и исчисти, но ако е вовлечен, тешко е да се воочи каде се наоѓа нечистотијата, па најпаметно е да се намокри пешкир и да се исчисти. Со туширањето ќе се измие дел од нечистотијата, но не се.
Без тоа да го направите, целата нечистотија што останува, мртвата кожа, ткаенините и бактериите може да предизвикаат непријатен мирис, но и инфекции, вели д-р Голдберг. Може да дојде и до создавање на каменец на папокот, кој се појавува со калцификација на себумот и кератинот и кој изгледа како камен. Колку подолго се задржува во папокот, толку се поголеми шансите да дојде до инфекција. Исто така, важно е да се напомене дека не е потребно да дојде до развој на камен за папокот да се инфицира, тоа може да се случи и поради талози на нечистотија.
КОЛКУ ЧЕСТО ТРЕБА ДА СЕ ЧИСТИ ПАПОКОТ?
Не постои цврсто правило за колку често треба да се чисти и мие папокот, но би било паметно тоа да се прави еднаш или двапати неделно, вели д-р Ифе Родни, дерматолог.
“Сигнал дека е време да се исчисти папокот е ако видите нечистотија на него, а таа може да биде црна или со боја на кожа. Ако нешто ве чеша или иритира на папокот, време е за чистење“, додава тој.
КАКО ДА ГО ИСЧИСТИТЕ ПАПОКОТ?
Всушност, потребно е малку поинаку да го чистите папокот од остатокот од телото, вели д-р Родни и еве што советува:
- Намокрете стапче за чистење уши во благ сапун
- Со нежни движења исчистете го папокот
- Доколку памукот, кога ќе го извадите е валкан, земете ново стапче
- Повторете ја постапката додека се не се исчисти
“Ќе ви биде полесно да го исчистите ако го правите тоа кога се туширате“, советува д-р Родни.
Ако ви текнало да го исчистите папокот со алкохол, лекарите се согласуваат дека тоа може да се направи, но не мора. Чистењето со сапун и вода дава еднакви резултати и е побезбедно. Д-р Голдберг смета дека алкохолот ја суши кожата и може да ја изиритира и исуши што пак може да доведе до инфекција.
Секако, доколку забележите дека нешто не е во ред, консултирајте се со лекар, без разлика дали се работи за чувство на болка, непријатен мирис или црвенило.
