Идејата за намерна зараза со омикрон е се попопуларна, вели д-р Пол Офит, директор на Центарот за едукација за вакцини во детската болница во Филаделфија.
“Теоријата се шири како пожар, како меѓу вакцинираните, така и меѓу невакцинираните“, потврдува д-р Роберт Марфи, директор на Институтот за глобално здравје при Универзитетот Northwestern и предупредува: “Мора да бидете луди да одите и со ова намерно да се заразите. Тоа е како да си играте со динамит“.
Во случај такво нешто да ви паднало на ум, лекарите посочуваат пет причини зошто не треба да се обидете намерно да се заразите со омикрон.
ОВА НЕ Е САМО ‘МАЛКУ ПОСИЛНА НАСТИНКА“
Висока температура, болки во телото, отечени лимфни жлезди, воспалено грло и запушени дишни патишта се чести симптоми и на поблагата варијанта омикрон, вели д-р Марфи. Заразени чувствуваат слабост со денови. “Луѓето зборуваат за омикрон како тоа да е некои силна настинка. Не е“, продолжува докторот и додава “Тоа е по живот опасна болест“.
Неодамнешна студија која вклучувала над еден милион испитаници, а што ја објави американскиот Центар за контрола и превенција на болести, покажува дека ризикот од опасни последици од инфекција со коронавирусот, е поголем кај вакцинираните лица постари од 65 години, оние со ослабен имунитет, или оние кои страдаат од дијабетес или хронични болести на бубрезите, белите дробови, црниот дроб, срцето или мозокот.
Меѓутоа, дури и лица со добра здравствена состојба може сериозно да се разболат, предупредува д-р Марфи. “Моментално имам пациент кој ги примил сите вакцини, постар е од 65 години и нема коморбидитети, а се наоѓа во болница во лоша состојба“.
Вистина е дека инфекцијата со омикрон, во споредба со делта варијантата, носи помал ризик од хоспитализација и смрт за сите возрасни категории, вели Офит. “Но, тоа не значи дека овде не зборуваме за сериоза болест. Она е само нешто помалку опасна. Шансите за смрт не се 0 проценти“.
МОЖЕ ДА ДОБИЕТЕ ДОЛГ КОВИД-19
Губењето на остето за мирис (а, со самото тоа и на вкус) е се почест симптом на балага зараза со коронавирусот. Студиите покажуваат дека на 80 проценти од луѓето им се враќаат овие сетила во рок од еден месец, но на некои вкусот и мирисот не им се враќаат дури ни по 6 месеци, додека постојат и оние на кои тие сетила никогаш не им се враќаат.
Колку тоа и да е непријатно, губењето на сетилото е само еден од низата загрижувачки состојби кои траат долго по заразата. Долгиот КОВИД-19 со себе носи отежнато дишење, екстремен замор, вртоглавица, температура, пролив, палпитации, болки во мускулите и стомакот, потешкотии со спиењето и промени на расположението.
Сериозните форми на долг ковид може да ги оштетат белите дробови, срцето и бубрезите, но и менталното здравје. Тие може да се квалификуваат како форма на инвалидитет во САД. “Се уште учиме за долгиот ковид“, вели Офит. “Со оглед на тоа дека се уште не го сфаќаме добро, не е паметно намерно да се изложува на вирусот“.
ЈА ПРЕНЕСУВАТЕ БОЛЕСТА НА ДЕЦАТА
Малку деца досега ја примиле вакцина против КОВИД-19. Тоа значи дека секое ризично однесување што може да доведе до инфекција – неносење маска, игнорирање на насоките за држење дистанца, движење во големи гужви, особено во затворени простории – може да значи дека инфекцијата можете да им ја пренесете на вашите деца.
Податоците од Американската академија за педијатрија покажуваат нагорен тренд на инфекции кај децата, што е далеку поголем од “пиковите на претходните бранови на инфекција“. Случаите на зарази меѓу децата досега најчесто доведуваа до благи форми на болеста, но само поради неверојатно брзото ширење на високо заразниот омикрон, рекорден број деца под 18 години завршуваат во болници, покажуваат податоците на ЦДЦ.
“Најдобар начин да се заштитат децата е да се вакцинираат што тоа биде можно, но и да се вакцинираат сите во нивното домаќинство“, изјави пред неколку дена директорката на ЦДЦ, д-р Рошел Валенски.
ЌЕ ГО ПРЕОПТОВАРИТЕ ЗДРАВСТВЕНИОТ СИСТЕМ
Намерната инфекција со коронавирус “ќе го преоптовари здравствениот систем и ќе го продолжи траењето на пандемијата“, вели Марфи.
Повеќе од 5.000 болници во САД пријавија “критичен недостиг на персонал“ во текот на викендот, многу повеќе отколку во кој момент на пандемијата досега. Тој број ќе продолжи да се зголемува како инфекцијата се шири меѓу здравствените работници или тие се принудени да одат во карантин поради изложеност на некој што го носи вирусот.
“Здравствениот систем едноставно не е дизајниран да се справува со КОВИД-19. Тој постои за да се грижи за деца со воспалено слепо црево или луѓе кои имаат срцев удар или ќе доживеат сообраќајна несреќа“,вели д-р Ашиш Џа, декан на Одделот за јавно здравје на Универзитетот Браун. “Се ќе биде многу, многу потешко затоа што голем дел од населението не е вакцинирано, многу луѓе со зголемен ризик не примиле дополнителна доза“, додава.
НЕ СИ ИГРАЈТЕ СО ПРИРОДАТА
Дали некогаш била добра идеја намерно да се заболи од некоја болест? Постарите се сеќаваат на нивните родители кои знаеле да организираат забави на кои намерно ги изложувале своите деца на сипаници. Со оглед дека таа болест е посериозна кога ќе се зарази возрасен, идејата била децата да се заразат на рана возраст, “за да се ослободат од болеста“.
“Тоа исто така била лоша идеја“, вели Офит и наведува пример на едукативен филм за вакцинат што го снимал пред неколку години. За време на снимањето, камерманот му раскажал дека неговата сестра го однела своето дете на една таква забава. Одлуката имала трагичен исход – нејзиното дете починало од болест. “Не си играјте со природата“, предупредува Офит.
