“Немојте да мислите дека КОВИД пандемијата се повлекува. Можеби ќе се развива и ќе стане посериозна“, предупредија неделава стручњаците. ВА.4 и ВА.5 се најнови подваријанти на многу заразната омикрон варијанта на коронавирусот, а се чини дека имаат и некои карактеристики кои би можеле да претставуваат нов бран на КОВИД-19.
BA.4 и BA.5 на крајот на мај беа означени како “варијанти кои предизвикуваат загриженост“. Првпат беа откриени во Јужна Африка во јануари. Денес тие се повеќе се појавуваат во САД. Американскиот центар за превенција на болести вчера соопштии дека ВА.4 и ВА.5 сега сочинуваат 21 процент од случаите на ковид низ целата земја.
“Се чини дека овие две подваријанти се подобри во избегнувањето на заштитата од вакцините и имунитетот од претходните инфекции“, велат експертите.
“Многу сум загрижен“, изјави д-р Грегори Поланд, шеф на истражувачката група за вакцини на Мајо клиниката.
Експертите велат дека способноста на BA.4 и BA.5 да ги избегнат заштитните слоеви ги прави поверојатни реинфекциитњ, што може да резултира со нов бран на вирусот.
Дали BA.4 и BA.5 можат да предизвикаат потешки форми на болеста?
Севкупно, варијантата омикрон произведе поблага форма на болеста од претходните варијанти како алфа и делта. Тоа е затоа што омикрон првенствено влијае на горните дишни патишта, предизвикувајќи симптоми слични на настинка или алергија, наместо да се таложи во белите дробови, што ги направи претходните варијанти толку смртоносни.
Но, неделава беше објавено истражување од Универзитетот во Токио кое сугерира дека подваријантите BA.4, BA.5 и BA.2.12.1 можеби еволуирале за повторно да ги таргетираат клетките на белите дробови наместо ткивото на горните дишни патишта, што ги прави слични на алфа или делта.
“Нашите истражувања сугерираат дека ризикот од овие варијанти, особено BA.4 и BA.5, за глобалното здравје е потенцијално поголем од ризикот од оригиналниот BA.2“, изјави главниот автор на студијата Кеи Сато.
Здравствените експерти велат дека BA.4 и BA.5 не предизвикуваат потешка болест од другите форми на омикрон, а вакцините и бустер дозите и понатаму обезбедуваат силна заштита од сериозни форми на болеста. Но, невакцинираните луѓе се ранливи, а континуираната способност на вирусот да мутира значи дека пандемијата не е завршена.
