По социјалните мрежи се рашири нов рецепт за здравје, и тоа под името “внатрешен туш“. По бројни вирални трикови кои се шират по социјалните мрежи, ова е најновиот фокусиран на здравјето на цревата.
Во чаша вода треба да исцедите сок од еден лимон и да додадете две лажици чиа семе. Потоа напивката треба да се остави да отстои неколку минути, а потоа се пие наеднаш.
Бројни корисници споделија видеа со овој рецепт, а сите заедно имаат над 147 милиони прегледи. Додека една жена вели дека редовно го консумира пред патување за да спречи запек, друга вели дека со него го започнува денот. Меѓутоа, што гастроентеролозите мислат за внатрешниот туш? Дали е здрав или сепак има негативни страни?
- Како делува внатрешниот туш?
Ова секако не е рецепт што ќе ви го препишат гастроентеролозите, но може да помогне да се спречи запек. Главната причина е што напивката е полна со влакна.
“Чиа семето е одличен извор на влакна“, вели д-р Рина Чокши, доцент по гастроентерологија на колеџот Бејлор.
Влакната се вид на јаглехидрати кои телото не може да ги свари, а се важни за дигестијата. Чиа семето содржи растворливи влакна, тие привлекуваат вода и се претвораат во гел за време на варењето. Растворливите влакна додаваат волумен на столицата и помагаат да помине полесно. Со консумирање на две лажици чиа семе ќе внесете дури 10 грама влакна.
Д-р Чокши истакнува дека комбинацијата од чиа семе и многу течности (како чаша вода) може да го олесни движењето на столицата низ цревата.
- Колку чиа семе може да изедете?
Со оглед на тоа што чиа семето содржи многу влакна, прекумерното консумирање може да создаде дигестивни проблеми.
“Доколку изедете премногу чиа семе, тие дефинитивно можат да предизвикаат надуеност и дијареа“, вели д-р Рудолф Бедфорд, гастроентеролог во здравствениот центар Провиденс во Санта Моника.
Тој препорачува максимум две лажици чиа семе дневно додека телото не се навикне на нив.
Бидејќи чиа семето набабрува кога е во контакт со вода, може да создаде и ризик од задушување, особено ако се внесува без доволно вода. Еден случај од 2017 година е токму причината да се погрижите како внесувате чиа семе. Имено, 36-годишен маж имал сериозни потешкотии со голтањето откако проголтал лажица суво семе од чиа, а потоа испил чаша вода. Откако чиа семето набабрило, што било предизвикано од водата, му го затнале хранопроводот. Затоа е важно прво да ги оставите да отстојат во чаша вода.
Исто така, секогаш постои страв од алергиски реакции, иако тие се ретки. Затоа, прво тестирајте мали количини на чиа семе за да можете да ја видите реакцијата на вашето тело.
ВНАТРЕШЕН ТУШ
- Придобивки од чиа семето
Одлично е што имаат низок гликемиски индекс, што ги вбројува меѓу намирниците кои помагаат во регулирање и контрола на гликозата во крвта. На лицата кои треба да ослабат им се препорачува во исхраната да вклучат што повеќе намирници со овие карактеристики.
Чиа семето не содржи глутен, па може да се вклучи во исхраната на луѓе кои имаат целијакија, алергија на глутен.
Овие семиња се богати и со глутамин; аминокиселина која позитивно влијае на имунитетот и нервниот систем на човекот. Аспарагинската киселина е исто така присутна во значителни количини, што го поддржува функционирањето на нервниот систем.
- Лек против запек
Запекот не е нормална појава, но е многу честа. Токму поради ова, многу лекари, нутриционисти, но и обични луѓе се во потрага по лек. Најдобро решение е да внесувате многу влакна, да пиете многу вода и да вежбате редовно. Може да помогнат и лаксативи кои се земаат без рецепт.
Меѓутоа, ако често имате проблеми со запек, можеби е време да разговарате со вашиот лекар.
“Лекарот може да ги открие потенцијалните причини за запек и да ви помогне“, вели д-р Бедфорд.
Исто така, треба да побарате медицинска помош доколку драстично се промените без поголеми промени во вашите животни навики. Особено ако наидете на крв во столицата, не сте извршиле голема нужда една недела или имате стомачни болки.
Доколку лекарите утврдат дека немате никакви здравствени проблеми, слободно испијте внатрешен туш.
