На живот со вирус можеме да се научиме. Не е лесно, но е изводливо. Како во празничниот период влеговме во новата варијанта на коронавирусот, омикрон, стручњаците донесоа нови препораки за нужни мерки со кои можете да се заштитите од зараза со коронавирус.
Еве кои чекори можете да ги преземете:
- Вакцинирајте се. Ако сте вакцинирани, примете бустер доза
Д-р Ентони Фаучи, главен американски имунолог вели дека ревакцинираните лица и оние кои примиле бустер доза, може да се чувствуваат безбедно ако планираат собирање во потесен круг за празниците, особено ако во последните две години не живеат во исто домаќинство. Сепак, напоменува дека ништо не е стопроцентно сигурно.
- Изберете две од три заштити ако одите на собирања
Оваа недела многу земји објавија нови насоки за собирања на затворено, а темелната премиса е да се изберат две од три мерки кои значајно можат да го намалат ризикот од инфекција – вакцина, маска, тестирање.
Стручњаците истакнуваат дека сите кои планираат собирања на затворено, треба како услов да постават барем една од овие мерки, но една во многу случаеви нема да б иде доволна. На пример, ако се работи за рпослава во канцеларија каде ќе има повеќе луѓе со кои не минувате многу време секојдневно. Тогаш секако треба да спроведете две мерки.
- Во јавност носете квалитетна маска
Студии од почетокот на пандемијата откриваат дека памучни, еднослојни маски спречуваат само дел од честичките во однос на медицинските маски. Затоа одберете квалитетна маса кога се движите меѓу непознати, без оглед дали е тоа трослојна медицинска маска или некоја друга.
Американскиот ЦДЦ препорачува носење маска и на отворено, ако се работи за подрачје кое бележи скок во бројот на инфекции.
- Имајте брзи домашни тестови
Корисно е да имате при себе брзи домашни тестови оти тестирањето пред собирања или патувања секако може да помогне да бидете безбедни барем за себе. Така ќе ги заштитите и најблиските ако во семејството имате хронични болни или имунокомпромитирани и со нив планирате д аги поминете празниците.
Освен сето ова, ако сакате да се заштитите од инфекција, држете зајакната хигиена и дистанца кога тоа и да е можно.
