Низ светот, се чини, беснее омикрон варијантата на коронавирусот, а за жал во исто време кога и грипот и настинките, па се поставува прашањето како според симптомите да препознаете за која болест се работи.
Д-р Абдул Ел-Сајед неодамна за америкаснките медиуми изјави дека постои лесен начин да се направи разлика помеѓу симптомите. Тој советува да размислите за тоа со кого сте биле во контакт, а ако тоа било лице кое има КОВИД-19, симптомите би можеле да бидат токму на таа болест. Губењето на мирис и вкус се специфични симптоми на оваа болест и често може да откријат дека сте заразени со коронавирус.
Омикрон варијантата често носи и главоболка како симптом.
Д-р Лиза Барет, специјалист за заразни болести во Канада, вели дека покрај споменатите совети на д-р Абдул и тестот на КОВИД може да открие дали е настинка или ковид.
Откако ќе почнете да ги чувствувате симптомите, треба да се изолирате и да направите неколку тестови. Не правете ги тестовите веднаш штом ќе забележите симптоми, туку следниот ден.
Не сте сами ако сте збунети околу појавата на симптомите на КОВИД-19 или настинка, бидејќи омикрон варијантата е многу слична на симптомите на настинка. Зошто? Во декември, научниците ги објавија резултати од студија која покажа дека омикрон има сличен генетски состав како обична настинка.
Всушност, омикрон таа сличност можела да ја “собере“ од некој што имал настинка, се вели во соопштението.
ДАЛИ НОВАТА ОМИКРОН ВАРИЈАНТА Е ПОЗАРАЗНА И/ИЛИ ПОВИРУЛЕНТНА ОД ДОСЕГА ОПИШАНИТЕ ВАРИЈАНТИ?
Се проценува дека делта варијантата е околу 40% позаразна од алфа варијантата, а со оглед дека алфа варијантата е околу 50% позаразна од изворната варијанта, тоа значи дека делта е двојно позаразна од т.н. вухански тип на вирусот.
За жал, најновите податоци покажуваат дека омикрон е околу два пати поинфективна од делта, што е причина за дополнителна загриженост. Поради бројните мутации се шпекулираше со можноста дека токму таа бројност на мутации може да ја намали силата на вирусот, односно неговата способност за пренесување и ширење.
Добра вест е дека оваа варијанта и покрај нејзината брзина на ширење, предизвикува само благи симптоми или асимптоматски инфекции.
Ниту една досега позната варијанта на SARS-CoV-2 не е докажано повирулентна и ниту една досега не е вброена во категорија на варијанти со тешки последици (variants of high consequence) според поделбата на варијантите на SARS-CoV-2 што ја објави Центарот за контрола и превенција на болести на САД (ЦДЦ).
