![2](https://panacea.mk/wp-content/uploads/2020/11/2-10-696x464.jpg)
Иако повеќето истражувања за влијанието на разни лекови, витамини и додатоци на исхраната на новиот коронавирус се уште се во тек, некои препарати секогаш можат да помогнат, независни за која болест станува збор. Здружението на лекари по семејна медицина на Хрватска, ги објави своите сознанија поврзани за витамини и лекови во комбинација со КОВИД-19.
Еве што велат семејните лекари за советите и препораките, кои се многубројни на социјалните мрежи, односно кои од нив имаат, а кои немаат смисол.
- Парацетамол – за намалување на телесната температура
ДА, за намалување на покачена телесна температура. Добро е луѓето дома да имаат и деконгестивни капки за нос, препарати за испирање на носот и лекови против кашлица.
- Бетадине – за испирање на устата и гаргара
Испирањето на усната шуплина, користењето спреј за нос и капки за очи се зема предвид за да се намали можноста за пренесување на вирусот од заразено лице на здравствените работни или како превенција за здравствените работници по незаштитено изложување на лице позитивно на КОВИД-19.
- Витамин Ц и Д3
Витаминот Ц е антиоксидант и нема докази за неговата ефикасност во лекувањето на КОВИД-19, не е во официјалните препораки. Витаминот Д е имуномодулатор. Истражувана е хипотезата дека пошеки случаи на болеста повеќе се јавуваат во земји со помала изложеност на сонце и кај лицата со недостаток на витамин Д.
- Мерење за заситеноста на крвта со кислород
Уредот за мерење на заситеност на крвта со кислород, познат како оксиметар е добро да го имаат болни со ризик за развој на потешка форма на болеста, бидејќи заситеноста на крвта со кислород под 94, особено е проследена со зголемен број за вдишувања во минута и субјективно чувство на задушување е индикација за хоспитализација.
- Вежби за дишење
Семејните лекари препорачуваат вежби за дишење на сите лица кои боледуваат од хронични белодробни болести, а на сите останати како техника за опуштање со оглед на тоа дека е докажана анксиозност кај заболените.