Без оглед на бројот на случаи и значајно ублажените мерки, пандемијата се уште не е готова. Новите варијанти, особено омикрон, многу се заразни, па најчувствителните лица и натаму треба да внимаваат.
Постојат некои симптоми кои се слични на настинка и на коронавирус, па е важно да се разликуваат.
- Болно грло
Болката во грлото може да значи и настинка и грип, но може да значи и дека сте се заразиле со омикрон. И додека класичните симптоми на КОВИД-19 и понатаму се покачена телесна температура, кашлица, губење на сетилото за мирис и вкус, болката во грло е еден од водечките симптоми на омикрон.
- Течење на нос
Веќе е познато дека омикрон и неговите подваријанти примарно го напаѓаат горниот респираторен тракт, за разлика од делта која го напаѓа долниот, што ги вклучува белите дробови. Тоа значи дека главни симптоми на омикрон се течење на нос и болно грло.
- Главоболка
Главоболка може да поттикнат бројни фактори, но таа може да биде симптоми и на инфекција со омикрон. Инаку, главоболката е и симптоми кој е пријавен и во раната и во подоцната фаза од инфекцијата.
- Замор
Чувството на малаксалост и замор е еден од најчестите симптоми што го пријавуваат лицата кои се заразени со омикрон. Траењето на заморот зависи од сериозноста на инфекцијата. Во некои случаи може да трае и подолго од две или три недели, што укажува на долг КОВИД-19.
Кивање
Кивањето е еден од главните знаци на омикрон, но според Центарот за контрола и превенција на болести на САД (ЦДЦ), ако кивањето е единствениот симптом што го забележувате, не се работи за КОВИД-19.
