Предупредување е испратено откако официјалните власти повикаа на зголемување на напорите за да се осигураат дека речиси три милиони возрасни во Англија, кои се уште не се вакцинирани против КОВИД-19, сепак се имунизираат.
Сојот ВА.2.75 наречен Кентаур, прв пат е откриен во мај во Индија. Бројот на случаи од тогаш е нагло зголемен и очигледно расте побрзо од исклучително заразниот сој ВА.5, кој е присутен во Индија и брзо го заменува претходниот сој ВА.2 во многу земји.
BA.2.75 е веќе откриен во 10 земји, вклучувајќи ги Велика Британија, САД, Австралија, Германија и Канада.
На 7 јули, Европскиот центар за превенција и контрола на болести го означи како “сој под надзор“, што значи дека постојат некои индикации дека може да биде пренослив или поврзан со потешки форми на болеста, но дека доказите за тоа се се уште слаби или ги нема.
Светската здравствена организација (СЗО) исто така внимателно го следи новиот вид, иако главниот научник д-р Соумја Сваминатан предупредува дека се уште нема доволно примероци за да се процени сериозноста на новиот сој.
Покрај очигледниот брз раст и широката географска област во која е распространета новата варијанта на вирусот, за вирусолозите предупредување беше и огромниот број дополнителни мутации што ги содржи BA.2.75, во споредба со BA.2, од кои веројатно еволуирал.
“Ова може да значи дека имал можност да развие предност во однос на веќе успешната варијанта на вирусот“, изјави д-р Стивен Грифин, виролог од Универзитетот во Лидс.
“Не се работи толку за точните мутации, туку за бројот или комбинациите“, додава д-р Том Пикок, виролог од Кралскиот колеџ во Лондон, кој прв го идентификуваше омикронот како потенцијална опасност во ноември 2021 година.
“Тешко е да се предвиди ефектот на толку многу мутации што се појавуваат заедно – тоа на вирусот му дава малку својства на ‘дива карта, каде збирот на делови може да биде полош од сите делови поединечно“, објаснува тој, додавајќи дека овој сој дефинитивно е потенцијален кандидат за она што следува по ВА.5.
“Ако тоа не успее, веројатно тоа ќе ни се случи следно, односно ‘варијанта на варијанта’“, потенцира д-р Пикок.
Дури и да не се појави во други земји, неговиот раст во Индија сугерира дека веројатно, во најмала рака, ќе биде проблем таму.
“Очигледно е дека многу брзо расте во Индија, но Индија нема многу случаи на ВА.5 и се уште не е јасно колку е тоа добро“, наведува тој.
Д-р Грифин пак ова го посочува како уште еден пример на имресивна способност на вирусот да толерира промени во својот шилест протеин – дел што го користи да ги инфицира клетките и на кој се засноваат повеќето вакцини против коронавирусот.
“Во ова време минатата година, многумина беа убедени дека делта го претставува врвот на вирусната еволуција, но појавата на омикрон и масовното зголемување на варијабилноста и избегнувањето на антителата е знак дека како популација не можеме да следиме план сличен на грип за да го задржиме чекорот со еволуцијата на вирусот“, вели д-р Грифин.
Покрај вакцините, долгорочните планови треба да вклучуваат мерки на варијанто-агностичка заштита за спречување на инфекции и реинфекции.
