Се смета дека ушите се орган кој сам се чисти. За време на џвакање, кивање, кашлање, наслагите на ушна маст кои се појавиле во нив, сами се елиминираат. Но, понекогаш се случува наслагите кои се акумулирале во ушниот канал, да се претвораат во „чепови„. Ушите се запушуваат. Во такви случаи неопходно е да направите процедура на миење на ушите.
Наједноставно и најпристапно средство за миење на ушите и за отстранување на наталожените наслаги церумен (ушна маст) е раствор од водороден пероксид (хидроген). Се препорачува да се примени веднаш откако ќе забележите непријатно чувство на запушеност во ушите.
ПОСТАПКА:
Користејќи пипета, накапете 4-5 капки, 3% хидроген во увото. Навелете ја главата, или легнете на едната страна и останете во оваа положба околу 5 минути. Ќе почувствувате карактеристично шуштење во увото, што значи дека реагира и наслагите ќе почнат да омекнуваат. Потоа пребришете го увото со марамче. За време на спроведувањето на процедурата, немојте да користите стапчињата за уши.
Ако по првиот пат не сте почувствувале олеснување повторете ја постпката уште еднаш после неколку часа. Истата процедура може да ја наравите и наредниот ден.
