Секој пациент секогаш има право да бара второ мислење од лекар за дијагнозата и начинот на лекување. Дали некогаш сте се нашле во ситуација да сакате второ мислење од лекар, а не знаете како да побарате и за што може да ви користи?
Д-р Дамир Ељуг објаснува зошто е добро да се добие второ стручно мислење.
„Секој доктор, во договор со својот пациент може да побара второ мислење кога не е сигурен дека врз основа на симптомите и испитувањата ќе постави точна дијагноза. Тогаш се бара помош од поискусните доктори, или се свикува конзилиум, кој ги анализира сите параметри и така се добива вистинската дијагноза„, објаснува д-р Ељуг.
Зошто служи второто мислење?
Едноставно речено, без исправна дијагноза нема ниту исправно лекување. Пациентите имаат право на второ мислење, но многу ретко го бараат, иако некогаш не се сигурни во поставената дијагноза.
Кај второто мислење секогаш треба да се направи клинички преглед на пациентот, па дури тогаш да се погледнат претходните наоди.
Не е исправно да се постави дијагноза само врз основа на претходните испитувања, а без притоа докторот да го прегледа пациентот. Во некои клиники постојат и тимови за второ мислење кои се повеќе се барани во областа на онкологијата, пластична хирургија, реконструктивната и естетска хирургија, гинекологијата…
