Силен и моќен борец во тешката битка против карциномите би можел да стане и познатиот жолт цвет, кој се користи во народната медицина за лекување на разни болести. Ширум светот е познат како заштитен знак на многу кампањи во борбата против ракот. НАРЦИС!
Иако ова откритие звучи како некоја приказна, бајка, се чини, дека во неа има многу вистина.
Имено, научниците откриле природен спој кој се наоѓа во европскиот вид нарцис, “Amaryllidaceae Narcissus”, алкалоидот хемантамин кој ја блокира продукцијата на протеините кои се основа за раст и развој на ќелиите на туморите, велат научниците.
„Ќелиите се особено чувствителни на редукцијата во синтезата на протеини“, објаснува студијата објавена во научниот магазин “Structure”.
Хемантаминот припаѓа на групата терапевтски молекули од природно потекло меѓу кои е и морфиумот (познат како лек против болки), кининот (има употреба во лекувањето на маларијата) и ефедринот (средство за лекување белодробни болести). Ја поттикнува стабилизацијата на протеините и доведува до елиминација на ќелиите на туморите. Се врзува за рибозомите кои се одговорни за синтеза на протеините.
Истражувањето е спроведено на белгискиот Универзитет под водство на Денис Лафонтејн. Студијата покажала дека нарцисот предизвикува и одредени здравствени потешкотии, особено осип и губење на свеста, ако неговото стебленце се џвака.
