Една непроспиена ноќ или ноќ со лош сон е доволна да ви го поткрене притисокот, кој ќе остане висок и во текот на наредниот ден – ова се резултатите од најновото американско истражување објавено во научниот магазин Psychosomatic Medicine.
Истражувачите од Универзитетот во Аризона дале објаснување зошто проблемите со ненаспаноста се поврзуваат со ризикот од срцев или мозочен удар, па дури и смрт од кардиолошки заболувања.
Во истражувањето учествувале 300 мажи и жени на возраст од 21 до 70 години, без претходна историја на срцеви заболувања. Учесниците носеле мерачи за притисок во следните два дена, што им го мереле притисокот на секои 45 минути во текот на денот и ноќта, со тоа што оној за навечер го мерел и времето на спиење.
Оние кои имале полош квалитет на сон имале висок крвен притисок и во текот на следниот ден, па научниците благодарение на ова истражување конечно успеале да ја решат мистериозната врска меѓу ненаспаноста и кардиолошките заболувања.
