Познато е дека лековите за Паркинсонова болест познати како допамински агонисти може да доведат до нарушување на контролата на импулсите кај некои пациенти, но најновото истражување покажало дека кај повеќе од половината пациенти кои земаат допамински агонисти доаѓа до развој на компулсивна зависност како компулсивно коцкање, купување и сексуално однесување.
За жал, тие неконтролирани импулси можат да доведат до финансиска пропаст на пациентите и нивните семејства.
Заболените од Паркинсонова болест земаат допамински агонисти бидејќи поради болеста не произведуваат доволно количество на невротрансмитер допамин, кој е клучен за способноста на мозокот да го контролира движење на телото.
Но допамински агонисти, исто така, се вклучени во системот за наградување на телото. Затоа, активирањето на допаминските рецептори во мозокот со овие лекови може да поттикне импулсивни акции.
Колку дозата на лекови или должината на терапијата се поголеми, толку е поголем ризикот од развој на проблеми на контрола на импулсите. Лековите прамипексол и ропинирол носеле најголем ризик.
Експертите сметат дека лекарите, пациентите и нивните семејства треба да бидат свесни за можноста од развој на компулсивно однесување при употреба на допамински агонисти.
Промената или прекинувањето на терапијата може да ги ублажи симптомите на нарушување на контролата на импулсите, наведува „Neurology“.
