Во случај на примена, одредени лекови при изложување на сонце или други извори на УВ зраци, може да предизвикаат посебен вид на реакција која се нарекува фотосензитивност. Станува збор за зголемена чувстителност на кожата на сонце, која настанува како последица на комбинација на одреден лек и сонцето.
Лекот делува како фотосензибилна работа и доведува до промена на кожата која без негова примена на потполно исто изложување на зраците не би се појавила. Тогаш, доаѓа до реакција која се манифестира со воспаление и црвенило така што кожата изгледа како вообичаени изгореници од сонце. Таквата реакција може да биде фототоксична или фотоалергиска.
Фотоалергиската реакција почесто се јавува по локалната примена на одредените состојки на кожата, а тоа може да бидат и разни сапуни, парфеми, козметички производи и креми за заштита од сонце. Тоа, секако, не значи дека не треба да ги користиме, туку дека нивната честа употреба може да предизвика такви реакции кои тогаш треба да ги познаеме. Лековите и сончањето не се добра комбинација, па затоа треба да бидеме свесни за можните оштетувања на кожата.
Заштитата се состои од избегнување од изложување на сонце, со задолжителна заштитна облека и ставање на крема со висок заштитен фактор. Во случај на појава на силни реакции треба да се открие изворот на реакцијата и да се консултира матичниот лекар.
Во составот на лекови за кои постојат податоци дека може да предизвикаат ваква реакција се наоѓаат над 50 препарати.
– Антимикробни лекови
– Лекови против алергија, антихистаминици
– Лекови за болести на срце
– Диуретици
– Лекови за третман на акни
– Лекови против депресија
– Нестероидни противвоспалителни лекови
– Лекови при лекување на карцином
