Храната која доаѓа исклучиво од природата често пати наликува на одредени делови од нашето тело. Според старите верувања, самата форма открива за што е посебно добра и лековита.
Во продолжение ви претставуваме 12 видови на храна кои по својата форма покажуваат за кој дел од телото се добри и на кој начин делуваат.
Грејпфрут – гради
Грејпфрут, портокал и други агруми потсетуваат на женските млечни жлезди во градите, а помагаат во циркулирање на лимфата низ градите. Грејпфрутот содржи лимоноид за кој е откриено дека штити од рак.
Орев – мозок
Оревите одамна се познат како храна за мозокот. Тие се добар извор на омега-3 киселини и имаат повеќе антиоксиданти, фолна киселина (витамин Б9) и витамин Е од останатите јаткасти плодови.
Моркови – очи
Откако ќе го пресечете морковот, можете да забележите како неговата внатрешност наликува на око, поточно на зеница. Бета каротенот од морковот (што му дава портокалова боја) помага да се одржи окото здраво, штити од макуларна дегенерација (жолта дегенерација) и развој на катаракта.
Целер – коски
Листовите на целер потсетуваат на коски, а целерот содржи силициум, кој на коските им дава цврстина. И еден детаљ – коските содржат 23 проценти натриум, а него го има и во целерот.
Домати – срце
Ако го исечете доматот, ќе видите дека потсетува на пресек на срцето. Доматите содржат многу ликопен и се одлична храна за срце и крв. Се покажа дека ликопенот го намалува ризикот од срцеви заболувања. Доматите, исто така, имаат и многу витамин Ц, што е важно за здравјето на срцето.
Печурки – уво
Пресекот на печурките наликува на уво, а тие се преполни со витамин Д, кој е потребен за да се спречи губење на слухот. Ако не сакате да носите апарат за слушање, јадете печурки.
Авокадо – матка
Обликот потсетува на матката и грлото на матката, а истражувањата покажаа дека придонесува за рамнотежа на хормоните во организмот и за спречување на рак на грлото на матката. Толку колку што му треба на детето да се развие во матката – девет месеци, толку е потребно на авокадото од цвет да стане плод.
Ѓумбир – желудник
Со векови се користи како лек за желудник, а докажано помага и во варењето. Исто така, неговата главна состојка – гингерол е одлична во борбата против мачнина и повраќање.
Грозје – бели дробови
Грозјето личи на алвеолите во белите дробови кои овозможуваат проток на кислород во крвотокот. Исхраната богата со грозје помага во борбата против ракот на белите дробови. Неговите семки ја содржат хемикалијата проантоцијанидин, која ја намалува јачината на нападите при астма предизвикана од алергија.
Сладок компир – панкреас
Овој вид компир му помага на панкреасот така што го стабилизира нивото на шеќер во крвта. Покрај тоа, богат е со витамин Б6, кој го забавува растот на ракот на панкреасот.
Грав – бубрези
За гравот велат дека ги лекува бубрезите и помага во нивната нормална работа. Кога ќе го погледнете гравот, тој навистина има форма на бубрег.
Смоква – тестиси
Семето во смоквата потсетува на спермата, а докажано е дека смоквите ја зголемуваат мобилноста на спермата, што директно влијае на плодноста на мажите.
