Овој вид активност толку му годи на организмот што нема да зачуди ако докторите почнат на секому од нас да препишуваат прошетка на рецепт. Според зборовите на доктор Томас Фрајден, директор на британскиот Центар за превенција и контрола на болести, оваа едноставна навика може да се смести меѓу мошне ефикасните методи на лекување бројни болести, а за да се постигнат резултати доволно е да се шетаат само 15-20 минути дневно. Значи, нема веќе изговор дека немате време за одење.
Еве неколку позитивни ефекти од редовното чекорење:
Се намалува ризикот од инфаркт и други кардиоваскуларни заболувања
Научниците утврдиле дека два и пол часа неделно поминати во шетање, односно 21 минута дневно за 31 процент ја намалува можноста од кардиоваскуларни заболувања, а за процент повеќе од прерана смрт.
Ја редуцира телесната тежина
Секој човек има гени кои влијаат на склоноста за дебелеење, а еден од најлесните начини да се избориме со ова е да го намалиме нивното влијание. Утврдено е дека едночасвна дневна прошетка буквално ги преполовува овие гени, додека 15 минути од оваа активнот во текот на денот помага во намалувањето на желбата за слатки, па и при слабеење. Исто така, редовно, секојдневно 20-минутно одење, го поткрева нивото на серотонин, заради што ќе се чувствувате помалку стресно и нема да се прејадувате на нервна база.
Го намалува крвниот притисок
Лекарите потврдиле дека 10 минути шетање секој ден се доволни за да помогнат во намалувањето на притисокот, а доколку одите 15-20 минути секој ден, поголеми се шансите притисокот да се стабилизира во границите на нормала.
Го подобрува памтењето
Студијата покажала дека 40 минути шетање неделно ја подобрува меморијата, а 15-20 минути одење дневно го забавува ’пропаѓањето’ на мозокот како резултат на стареењето.
Ја намалува болката во зглобовите
Со шетањето ги подмачкувате зголобовите и ја зајакнувате ’рскавицата, особено во колената, а се спречува и вкочанетост и болка во ’рбетот.
