И дијабетесот, како и секоја друга болест, може да се третира и на природен начин, помагајќи да се олеснат симптомите и да се подобри здравствената состојба на организмот.
Според некои нутриционистички испитувања, се смета дека ленот, бамјата и копарот се намирници кои, доколку лицето е со шеќерна болест, треба да се впишат во дневното мени и исхрана. Овие три растенија имаат низок гликемиски индекс, спречуваат појава на воспалителни состојби и отпорност на инсулин. Истовремено, богати се со витамини и минерали, што дополнително има ефект врз целокупното здравје.
Ленено семе
Лицата кои имаат состојба на преддијабетес, односно пореметување на толеранцијата на глукозата, секако би требало да консумираат лен.
Имено, антиоксидантите во лененото семе ја спречуваат воспалителната состојба и отпорност на инсулин, па на тој начин штитат од дијабетес. Ова здраво семе изобилува со алфа-линоленска киселина, која спаѓа меѓу омега 3 масни киселини.
Храна богата со омега 3 масни киселини докажано е дека ја зголемува чувствителноста на инсулин. Студија спроведена во 2016 година ја докажала ефикасноста на лененото семе кај дијабетесот тип 1 и 2. Со консумирање на ленено семе, дијабетичарите може да ја намалат и постпрандијалната глукоза, односно нивото на шеќер во крвата после оброк за дури 28%.
Примена
Лененото семе може да се додаде во зеленчукови јадења и салати или да ги стават во смути и безглутенски леб. Се препорачува консумација на 1-2 лажици мелено ленено семе на ден.
Бамја
Овој исклучително здрав зеленчук ја одржува глукозата во крвта, па се смета за суперхрана за дијабетичарите. Содржи многу малку калории – на 100 грама има само 30 калории.
Бамјата има низок гликемиски индекс и е вистинска ризница на витамини и минерали. Изобилува со витамин Ц, кој го зајакнува имунитетот. Лицата заболени од дијабетес се склони и на многу болести, па е многу важно да го зајакнат одбрамбениот механизам на организмот.
Бидејќи изобилува со влакна, бамјата ја успорува апсорпцијата на глукоза во цревата, па го намалува нивото на шеќер во крвта после оброкот.
Бамја помага при:
дијабетес тип 1 и 2, гестациски дијабетес (шеќерна болест во текот на бременоста). Овој зеленчук помага при метаболизмот на јаглехидратите, благодарение на ензимите што ги содржи. Исто така ја поттикнува работа на бета-клетките во панкреасот, одговорни за производство на инсулин.
Примена
Бамјата може да ја јадете варена. Додадете и малку сол и сок од половина лимон за подобар вкус. Можете да подготвите и вода со бамја: исечете бамја на парченца, ставете ги во вода, поклопете и оставете да отстои преку ноќ. Наутро испијте ја водата. Оваа вода помага за регулирање на нивото на глукоза во крвта.
(Продолжува: Копарот и шеќерната болест)
