Старите Грци и Римјани оваа медитеранска билка ја користеле за лековити цели, но ја консумирале и како зачин. Копарот има низок гликемски индекс и изобилува со минерали и витамини, како и со здрави фитонутриенти. Одлично влијае на имуниот систем, придонесувајќи за подобра работа на цревата.
Лисјата и семките на оваа билка помагаат во контрола на нивото на глукоза во крвта.
Според зборовите на американскиот ботаничар д-р Џејмс Дјук, копарот содржи 70 различни билни соединенија кои може да помогнат кај дијабетесот. Истражувањата покажале дека екстрактот од листот на копар помага во лекување на дијабетес тип2, кој настанал као последица од користење на стероидни лекови.
Примена
Подготете сок од ливчињата на копарот. Добро измијте една рака свеж копар, ставете ја во блендер и измиксирајте. Сокот пијте го наутро или навечер, додадете малку сол и сок од половина лимон, поради подобар вкус. Исто така, свежиот копар можете да го додадете во супа, салата, ориз и други јадења. Кога станува збор за семките, може или да ги џвакате или да ги сомелете па да ги додадете во јадењата.
Дури и ако немате дијабетес, консумирајте го овој здрав зачин, за да го држите под контрола нивото на глукоза во крвта.
Останати билки кои помагаат кај дијабетесот:
- Босилек
- Рузмарин
- Жалфија
- Боровница
- Камилица
- Цимет
- Глуварче
- Лук
- Ѓумбир
- Нане
Совет: При дијабетес многу е важно од исхраната да се исфрлат рафинираните житарки и белиот шеќер, за да се го урамнотежи нивото на шеќер во крвта.
