Лененото масло најчесто се користи кај следните состојби и болести.
- Болести на срцето и крвните садови (висок холестерол, триглицериди, атеросклероза, покачен крвен притисок);
- Кај воспалителни и автомуни болести на зглобовите;
- Штитната жлезда;
- Кај невролошките болести, како што е Паркинсоновата болест;
- Алцхајмерова болест;
- Депресија.
Може да се користи и за подобрување на општите когнитивни функции, особено за време на бременост и во детската исхрана. Се користи и за регулирање на столицата кај возрасните. Кај гинеколошките проблеми особено поврзани со работата на хормонот естроген, истражувачите се воздржани затоа што не е сосема разрешено дали ленот и лененото масло повеќе ќе помогнат или одмогнат на настанатиот проблем, па, секако, треба да бидете претпазливи во примената.
Сепак, треба да се внимава со употребата на лененото масло, бидејќи кај лицата со посилна перисталтика или со оштетена цревна слузница, може да предизвика лаксативно дејство и да дојде до мека столица.
Како да го користите лененото масло?
Во исхраната лененото масло се користи само термички необработено, бидејќи со изложување на висока температура се губат лековитите својства. Важно е се употребува свежо ленено масло, квалитетно складирано, чувано во темни и затворени шишиња на ладно место за да не оксидира, па така ќе биде штетно за организмот.
Може да се користи и како одличен извор на маснотии во суров облик, така што свежо ќе го додадете во веќе приготвеното јадење. Со ова масло може да се подготви и мајонез за различни сосови кои не се обработуваат термички, како и во претходно сварена супа.
