Секој вид на семе носи свои придобивки, но шампион меѓу нив, барем кога станува збор за женското здравје, е лененото семе.
Меленото ленено семе е одличен извор на лигнани, фитоестроген кој докажано ги штити жените од рак на дојката и рак на јајниците, а, исто така, има и позитивен ефект врз овулацијата и го продолжува времетраењето на втората половина на месечниот циклус во кој доминира хормонот прогестерон. Придобивките се многубројни – за жените кои се обидуваат да забременат конзистентната овулација ги зголемува шансите за зачнување.
За жени на возраст од 35 до 55 години ленот придонесува за рамнотежа на половите хормони и ги намалува симптомите на ПМС, додека на повозрасните жени им помага во ублажување на симптомите на менопауза
Свежо мелено ленено семе е одличен извор на важната алфа-линоленска киселина – корисните омега-3 масни киселини во организмот, чие внесување покажаа истражувањата, го намалува ризикот од срцев удар.
Лененото семе е природен регулатор на нивото на холестерол во крвта. Редовната употреба помага во намалување на нивото на штетниот ЛДЛ холестерол во организмот, додека растворливите влакна помагаат во спречување на апсорпцијата на холестеролот во организмот. Покрај тоа, ленот содржи витамини Е и Б, калциум, калиум, цинк, фосфор, селен и магнезиум.
Лененото семе се однесува како естроген во телото и го спречува растот на карциномите поврзани со хормони. Исто така, може да ги олесни симптомите на ПМС и постменопаузата, бидејќи генерално добро делува врз хормоналната рамнотежа. Одличен извор е на омега-3 масни киселини, а поради високиот процент на влакна го поттикнува и варењето на храната, па затоа им се препорачува на оние кои страдаат од запек задолжително да го вклучат во исхраната.
Во структурата на лененото семе се наоѓаат растворливи и нерастворливи материи корисни за општото здравје, варењето, чистење на цревата, но и за одржување на идеална телесна тежина, бидејќи го намалува чувството на глад и дава чувство на ситост.
