Лешниците претставуваат одличен извор на магнезиум – во 100 г лешници има 163 мг од овој минерал (46 % од препорачаната дневна доза). Со овој минерал се богати и семките од тиква и сусамот, бадемите, мешунките (соја, грав, леблебии) и одредени видови минерална вода.
Со доволен внес на магнезиум се ублажува мускулната напнатост, грчевите и заморот, а, исто така, ни помага и при главоболка, несоница и пореметување во расположението. Истражувањата покажале дека со адекватен внес на овој минерал се намалува ризикот од атеросклероза и хипертензија, како и дека во комбинација со витаминот Б6 ги ублажува симптомите на предменструалниот синдром.
