Научно е докажано дека постојаното воспаление во организмот може да се претвори во тивок убиец кој сериозно го нарушува здрвајето. Се поврзува со кардиоваскуларни болести, дијабетес тип 2, автоимуни болести, Алцхајмерова болест и рак. На Универзитетот Харвард истакнуваат дека три од пет смртни случаи може да се спасат ако се намали воспалението во телото, иако воспалението е природен механизам за одбрана во телото.
Имено, воспалението настанува кога имуниот систем ги “испраќа“ белите крвни клетки да го одбранат од вирусот, бактериите и токсините и краткорочно е исклучително важно правилно да работи системот на одбрана. Меѓутоа, краткотрајното воспаление може лесно да се претвори во долгорочно и хронично и тогаш да ни го загрози здравјето. Најлесниот пат до хронично воспалние се нездравите животни навики, начинот на исхрана, постојаната изложеност на стрес од било каков тип.
Стресори се и различните токсини од нашата околина, постојани благи бактериски или вирусни инфекции, физички повреди, алкохол и дебелина. Ако постојано сме изложени на стресори, имуниот систем повеќе не препознава кога треба да застане и постојано реагира со состојби на зголемено воспаление.
Стручњаците од Медицинската школа на Харвард објавија совети со кои хроничното воспаление може да се победи и така да се спречи да се појават некои болести.
ЧЕКОР 1: Јадете ги оние намирници кои ќе му помогнат на организмот правилно да функционира. Има многу совети за антивоспалителни диети, но голем број не се темелат на докази и често не се препорачливи на долги патеки. Внесувајте здрави масти (масло од ленено семе, маслиново масло и јаткасти плодови). Бобинките содржат многу антиоксиданти кои го намалуваат воспалението. Моќен антиоксидант е кверцетинот кој помага во намалување на хроничното воспаление, а е присутен најмногу во кромидот и лукот, зелката, црниот чај. Јадете повеќе спанаќ, зелен лиснат зеленчук, оти содржат висок процент на противвоспалителни соединенија. Куркумата и ѓумбирот се наоѓаат на самиот врв на листата намирници во борба против воспалението.
ЧЕКОР 2: Размрдајте се. Изненадувачки малку аеробни вежби се потребни за да се намали хроничното воспаление. Ако поголем дел од денот седите, дури и кратка прошетка од 15 минути до половина час има изненадувачки поволен ефект на здравјето. Дотолку повеќе што претераното вежбање и исцрпувањето на телото, може да предизивика воспалителен одговор на телото.
ЧЕКОР 3: Доведете ја телесната тежина во нормала. Телесната тежина, дури и повеќе од што мислиме влијае на здравјето. Стомачната дебелина докажано доведува до создавање на воспалителни процеси , бидејќи масните клетки поттикнуваат создавање на воспалителни параметри. За почетокот значајно намалете го внесот на шеќери и заситени масти.
ЧЕКОР 4: Потрудете се доволно да спиете. Недоволниот и лош сон ќе влијаат на нивото на енергија во текот на денот, расположението и ефикасноста на работата, но исто така може да му наштети и на срцето. Развивањето хигиена на спиење помага ова да се спречи и да се будите одморени. Легнувајте на време, одржувајте ја просторијата проветрена, не јадете пред спиење и не користете електронски уреди во спалната соба.
ЧЕКОР 5: Ако пушите, откажете се. Имено, откажувањето од пушење може да резултира со значително намалување на хроничното воспаление во организмот за само неколку недели по престанокот на пушењето. Ако не успеете сами, побарајте стручна помош.
ЧЕКОР 6: Ограничете го внесот на алкохол. Алкохолот ја нарушува функцијата на црниот дроб и дигестивниот систем, а двата се клучни во намалување на воспалението.
ЧЕКОР 7: Избегнувајте хроничен стрес. Стресот може да го прошири воспалението и да поттикне влошување на многу хронични болести како што се ревматоиден артритис, срцеви заболувања, депресија… Постојат многу начини да се справите со стресот, има разни техники за релаксација кои се многу ефикасни, од престој на отворено, јога , медитации до рекреативни спортови, развој на хобија, одржување на социјални контакти итн.
