Летното сметање на времето почнува во последната недела од месец март, така што се додава еден час, односно стрелките на часовникот се поместуваат еден час нанапред, во однос на “старото“ време, па па времето во два часот наутро се смета како три часот.
Психолозите и останатите стручњаци за спиење тврдат дека повеќето луѓе тешко се прилагодуваат на пролетното, во споредба со есенското поместување на времето, поради фактот дека се губи еден час сон.
Легнувањето на спиење порано може да предизвика потешкотии со спиењето и зголемена будност во текот на првиот дел од ноќта. За лицата кои се држат до својот строг распоред на спиење, стручњаците препорачуваат оптимален одмор, оти тој еден час што се губи, може да предизвика проблеми, барем во првите неколку дена по промената.
Што може да се направи за да се ресетира внатрешниот часовник за побрзо да се прилагоди на временските промени? Циркадијалниот ритам е интернално генериран, но е под влијание на околината, однесувањето и лекарства.
КАКО УСПЕШНО ДА СЕ ПРИЛАГОДИ?
- Светлото го потиснува излачувањето на мелатонинот, кој го регулира циркадијалниот ритам на организмот. Затоа е важно да се изложува на светлина во текот на будните часови, што е можно повеќе, и обратно да не се изложува на силна светлина кога надвор е темница.
- Користењето на електронски уреди непосредно пред спиење, има силно влијание на сонот и будноста и може да има клучна улога во постојаниот недостаток на сон, бидејќи емитира сина светлина која може да ги стопира природните сиркадијални ритми. Затоа, избегнувајте да гледате во мобилен, компјутер или телевизор барем еден час пред спиење.
- Хигиената на спиење е израз кој се користи за опишување на нејзините активности кои може да се превземат за создавање на пријатно опкружување за спиење и подобрување на шансите за заспивање, одржување на сонот и цврсто спиење. Основната хигиена на спиење вклучува намалување или целосно избегнување на кофеин и алкохол 4-6 часа пред спиење, вежбање неколку часа пред спиење, смирувачки ритуали пред спиење за целосно опуштање (топла купка на пример), носење тапи за уши, маска за очи и слично.
- Исто така, важно е во кревет да се легнува и станува во исто време секој ден – дури и преку викенд. Иако нема докази дека одредени диети всушност влијаат на циркадијалниот ритам, јаглехидратите може да го олеснат успивањето.
- Малку е веројатно дека ќе бидат потребни лекови за еден час временска промена, но со оглед на потенцијалот на некои од нив, како и фактот дека можат негативно да влијаат на квалитетот на сонот, треба да се користат само по консултација со лекар.
- Направете постапно прилагодување однапред. Легнете во кревет 10 до 15 минути порано, и будете се 10 до 15 минути порано од вообичаено.
