Овој период од годината отоците и заморот, како и видливоста на проширените вени се двојно нагласени, што го отежнува нормалното функционирање на овие лица. Затоа, според стручњаците, летните месеци, грижата за овој проблем треба да се нагласи, особено со специјални додатоци во исхраната, кои паралелено со редовната теапија ќе ви овозможат полесно да ги надминете нагласените симптоми и тегоби.  Според истражувањата спроведени 2010 година на Универзитетот во Фрејбург, билните екстракти од виновата лоза го намалуваат едемот кај лицата со хронична венска инсуфициенција. Тоа е состојба која го карактеризира проблемот со враќање на крвта од нозете назад во срцето. Кога крвта тешко се враќа во срцето, нозете може да отечат, што предизвкува едем. Земајте витамин Б и Ц, како и цинк за да ја подобрите еластичноста на крвните садови и да ги зајакнете нивните ѕидови, додека витаминот Е ќе го спречи згрутчувањето на крвта и ќе ја подобри циркулацијата.

Поширените вени главно имаат генетска позадина, но често пати се јавуват и кај луѓе со професија, која бара повеќе стоење во место, атлетичари итн. Проширените вени можат дополнитено да се влошат од разни причини: преголема тежина, бременост, повреда на стапалата, трчање на долги патеки, примање на хормонална терапија која содржи естроген, хормонална нерамнотежа итн.

Ако имате проширени вени залистоците во нив можеби веќе не можат да функционираат, но тоа има и дополнителни ефекти. Залистоците имаат улога да помагаат во циркулацијата на крвта низ телото, тие служат како блокади кои не и дозволуваат на крвта да се враќа назад низ крвните садови, туку да се движи низ целото тело. Ако некој од залистоците престане да работи, тогаш крвта може да почне да се враќа назад и да се формираат „базени“. Зголемениот притисок во вените понатаму може да предизвика да престанат да функционираат и други залистоци. По некое време притисокот од собраната крв предизвикува да се деформира вената и тогаш вените почнуваат да се познаваат на површината на кожата како јазли и грутки, добивајки темно сина или виолетова боја. Може да предизвикуваат и болка, а кожата на нозете и на глуждовите може да почне да се задебелува.

Совети 

• Избегнувајте да стоите подолги периоди или повремено истресете ги нозете за да спречите во нив да се акумулира крвта.
• Протегнете ги и размрдајте ги стапалата. Со стегање на мускулите можете да помогнете крвта да се придвижи во вените. Ако седите подолг период обидете се да ги виткате стаплата горе-долу (како да притискате на педала за гас). Исто така, ротирајте ги стопалата во правец на стрелките на часовникот за да се придвижат глуждовите и да предизвикаат движење на крвта.
• Немојте да седите со вкрстени нозе, така го зголемувате притисокот во вените.
• Умереното вежбање, како пливање и шетање, може да ги зајакне ѕидовите на крвните садови и да спречи создавање на проширени вени или барем ќе го забави нивното појавување.
• Избегнувајте тешка физичка активност која би направила притисок врз вените, како кревање на тежина.
• Кога седите, ако е возможно држите ги нозете благо поткренати, тоа ќе ја подобри циркулацијата на крвта од нозете кон срцето. Ако нозете ви се многу отечени, обидете се да спиете со благо подигнати нозе, што ќе ја присили крвта да се повлече од нозете.
• Туширање со млака или студена вода ќе помогне да се стеснат вените.
• За да спречите дополнително влошување на проширените вени, препорачливо е да носите еластични чорапи или завои, кои ќе дадат поткрепа.
• Внимавајте на вашата тежина. Прекумерната тежина создава непотребен притисок врз вените.
• Набавете си удобни чевли, а високите потпетици чувајте ги за посебни прилики.