Лија Јоргенсен (33) од Висконсин, САД, заради синдромот на полицистични јајници кои предизвикува абнормален раст на влакна по телото, изгледа како маж. Некогаш била оптоварена со изгледот, се срамела и со часови се обидувала да ги отстрани влакната, но неодамна се „опаметила“ и решила засекогаш да заборави на бричењето и болните депилации. Оваа храбра жена се надева дека со својата постапка ќе ги мотивира жените ширум светот кои се мачат со слични проблеми да се прифатат такви какви што се.
„Никогаш не сум видела жена која изгледа како јас. Толку се срамев од себе што не сакав никогаш да зборувам за ова. Мојот начин да се носам со срамот беше да се кријам. Но бидејќи имам премногу влакна тоа беше невозможно. Развив одвратно чувство на анксиозност и тоа остави големо влијание врз моето ментално здравје“, вели денес оваа бихејвиорална здравствена работничка.
„Се срамев и плашев, како да сум помалку жена. Се криев со облека и го бричев лицето, а налето се давев во пот под долгата облека. Бев убедена дека ќе ги загубам пријателите и семејството ако видат каква сум“, раскажала Лија, која после преживеаната сообраќајна несреќа во 2015 година решила да направи промени.
Кога и се случила несреќата по неа дошла итната медицинска помош и веднаш и ја расекле облеката за да видат дали има повреди. Тогаш прв пат некој друг го видел нејзиното влакнесто тело.
„Сфатив дека во тој момент никому не му беше важно како изгледам, туку дали имам повреди. Дека ме гледаат како личност. Тоа многу ми помогна да ги надминам своите комплекси и стравови“, раскажала.
Во тој период се вљубила во маж кој ја сметал за привлечна и покрај нејзиниот изглед. Инаку, од нејзината 14 година врсниците ја нарекувале „маж“, па токму затоа имала и проблем да комуницира со луѓето, особено со припадниците на посилниот пол. Открила дека прв пат се бакнала на 27 години, бидејќи се плашела дека ако некој премногу и се доближи ќе и ги забележи влакната по лицето.
