Кога нешто не боли најчесто мислиме дека нешто такво никој не почувствувал и дека поднесуваме најголема болка. Иако болката е субјективно чувство, луѓето имаат различна толеранција на болка. Некои стручњаци направиле листа на објективно најболните состојби, а меѓу нив се наоѓаат следниве десет.
Воспаление на слепо црево
Причина за воспалението на слепо црево е бактериска инфекција, а страшните болки од десната страна на абдоменот, се проследени со грозница и со повраќање.
Чир на желудникот
Чирот е рана која се формира на желудникот и предизвикува страшни болки во него. Ако не го лекувате чирот, може да се пробие низ ѕидот од желудникот и на тој начин да дозволи желудочните течности да истекуваат во стомачната шуплина, што ќе предизвика уште поголема болка. Ако тоа се случи, итно е потребна хируршка интеревнција.
Гихт
Гихтот е болест која се карактеризира со чести напади на воспалителен артритис, најчесто во зглобот на палецот на ногата. Станува збор за една од најболните видови на артритис, а се карактеризира со отечени зглобови, црвенило и огромна болка, па често е невозможно да го придвижите, ниту да го допрете прстот. Нападите најчесто траат од еден до десет дена.
Тригеминална невралгија
Се работи за многу силна болка која се појавува на едната страна од лицето и трае неколку секунди. Некои луѓе таа болка ја опишуваат како струен удар, додека други спомнуваат горење и прободување.
Камен во бубрег
Каменот предизвикува силна болка во долниот дел на грбот и во колкот која подоцна се шири низ целото тело. Понекогаш болките се проследени со мачнини, повраќање, крв во урината.
Мигрена
Мигрената се манифестира со интензивна главоболка најчесто на едната страна од главата, а може да се прошири и на лицето или вратот. Болката е проследена со повраќање, како и екстремна чувстивтелност на светло, па пациентите најчесто седат во темна и тивка просторија, се додека не им попушти болката.
Артритис
Луѓето кои имаат артритис трпат постојана болка во зглобовите, најчесто во колковите, колената, зглобовите или прстите. Често е пропратена со болки во мускулите и вкочанетост.
Срцев удар
Кога доживувате срцев удар, имате чувство на тежина и притискање во градите, како и силна болка која може да се прошири на вилицата, вратот, грбот или стомакот. Ако ви се причинува дека вие или некој во ваша близина доживува срцев удар, веднаш повикајте брза помош.
Скршена коска
Доколку се работи за пукнатина може да се случи да не ве боли силно, но скршена коска се смета за една од најстрашните болки кои човек може да ги почувствува, особено ако се обиде да го помрдне скршениот дел од телото.
