Стресот доаѓа во разни форми, но и тогаш кога не го очекувате. Забрзаниот начин на живот и ставот “се мора да биде готово веднаш и сега“, на многумина им донесе бројни прекувремени часови работа, а што е најлошо го довеле и своето здравје во прашање.
Стручњаците не престануваат да предупредуваат на тоа дека работните часови треба да се намалат. Едно од најпопуларните истражувања го направија стручњаци од Универзитетот Мелбурн во Австралија, кои ги проучувале работните навики на 3.500 жени и 3.000 мажи низ серија когнитивни тестови и дошле до заклучок дека оние над 40 години треба да работат три дена во неделата.
По одредувањето на факторите на квалитет на живот, економската состојба, семејната структура и вработувањата, истражувачите откриле дека лицата кои работат до 25 часа неделно се најдобри.
“Нивните когнитивни способности би пораснале до тие 25 часа, а по нив, паѓале поради преголемиот стрес, но и замор. Кога работат подолго од 25 часа, лицата над 40 години се помалку продуктивни и од пензионерите“, велат авторите на студијата.
За екстра финансии, прекувремените часови понекогаш не се лоши. Но, ако постојано се случува, ќе забележите психичка и физичка исцрпеност, како и намалена креативност. И концентрацијата, велат стручњаците, слабее.
Студијата покажала дека работниците кои работат просечно 11 часа дневно, имаат поголем ризик од развој на депресија. Прекувремента работа го зголемува ризикот за широк распон на кардиолошки проблеми, вклучувајќи болести на срцето, срцев удар и висок крвен притисок.
ЗНАЦИ ДЕКА СТЕ “ПРЕГОРЕЛЕ“:
- Симптоми на депресија, се почести негативни мисли
- Постојано сте уморни и ненаспиени
- Во опуштање ви помага само алкохолот
- Иако многу работите , сте престанале да бидете продуктивни
- Телото ве боли, а очите ви станале отечени и чувствителни
- Ви се чини дека односите со смејеството и пријателите се распаѓаат.
