Лицата кои живеат во населби богати со зеленило патат од помалку стрес, имаат поздрави крвни садови и помал ризик од срцев и мозочен удар во споредба со лицата кои живеат во бетонски наслеби без простор за престој и рекреација на отворено, покажува американско истражување објавено во списанието Journal of the American Heart Association.
За потребите на ова истражување научниците анализирале различни биомаркери на стресот и ризикот за срцеви болести во крвта и во урината кај 408 пациенти примени на Клиниката за кардиологија во Кентаки.
Во однос на лицата кои живееле во бетонски наслеби, жителите на населби со зеленило, имале пониско ниво на хормонот епинефрин во урината, кој е показател на нивото на стрес, покажало истражувањето. Во таа насока, лицата од зелените квартови имале поголем капацитет на одржување на здравјето на крвните садови во однос на оние кои живелее опкружени со бетон и асфалт. Испитаниците биле на просечна возраст од 51 година, повеќето имале вишок килограми и зголемен крвен притисок или зголемено ниво на холестерол. Поголемиот процент од нив живелее во подрачја со малку зеленило.
“Можно е и близината на зеленило да поттикнува на поголема физичка активност, а поголемата густина на зеленило го подобрува квалитетот на воздухот. Зелените простори може да го зајакнат чувството на социјална кохезија, што е фактор кој е поврзан со здравјето и благосостојбата“, вели водачот на истражувањето Аруни Батнагар.
Според истражувачите, зеленилото претставува и бариера кон стресните фактори во околината, вклучувајќи ја сообраќајната бучавост и грдите градби, а истовремено зеленилото ги блокира негативните мисли и чувства и со тоа се намалува стресот.
