Сите ние можеме да видиме траги на лицето од непроспиена ноќ, особено од луда забава со алкохол. Утрото ќе го дочекаме бледи, со крвави очи, а црниот дроб уште долго ќе се опоравува. Меѓутоа, навиките, односно она што го внесуваме во организмот многу повеќе зборува за нас, отколку што мислиме.
На пример, од јаката исхрана брчките и црвенилото на кожата се поизразени, а доколку пак постои и мала нетолерантност на некоја храна или алкохол, тоа јасно ќе се покаже на лицето.
Поради тоа, еминентни стручњаци ги поделиле пациентите во четири групи, во зависност од типот на кожата и тоа на: “млечно лице“, “шеќерно лице“, “глутенско лице“ и “лице на виното“. Мапирањето на лицето не е нова теорија, туку древна ајурведска пракса која ги поврзува точките на лицето со одделни органи во телото. Брадата, на пример, во тој контекст се поврзува со репродуктивните органи. Теорија е дека со третирање на кожата одвнатре таа ќе се исчисти однадвор.
Основни карактеристики и совети според типовите на лицето
Глутенско лице
Доколку ви се црени образите и имате пигментација околу брадата, совет е да се исфрли глутенот од употреба на три недели, да се пие повеќе вода и да се
Млечно лице
Овој тип на лице го карактеризираат отечени очни капаци, подочници и мали бели точки во длабнатината на брадата. Се советува избегнување на млечни производи во период од три недели за да се утврди дали лицето е проблематично од консумирањето на ваков тип намирници. Задолжително се препорачува внесување на калциум како додаток на исхраната.
Шеќерно лице
Станува збор за избрчкано лице со сива боја на кожата. Преголемиот внес на шеќери предизвикува и акни на лицето, на рамената и на градите. Препораката е да се преполови количината на шеќер што дневно се внесува.
Винско лице
Линии или црвенило меѓу очите, подоцници, црвени образи и нос. Алкохолот ја дехидрира кожата, што го влошува изгледот на фините линии и брчките. Црниот дроб се труди да го обработи алкохолот, поради што се јавуваат длабоки линии или црвенило меѓу веѓите. Немојте да консумирате алкохол три недели, а после тоа можете да земате по една чаша вино неделно и ќе ја видите разликата на кожата.
