Градските власти во Лондон најавија забрана за рекламирање на нездрава храна во јавниот превоз, со цел да се помогне во бробата против прекумерната тежина кај децата.
Оваа забрана ќе стапи на сила во февруари идната година, кога на произведувачите на храна и пијалаци ќе им биде дозволено да рекламираат единствено здрави производи, истакна градоначалникот Садик Кан.
“Со оглед дека во јавниот превоз има околу 30 милиони патувања дневно, неговиот огласувачки простор нуди голема можност за промовирање на квалитетна храна и здрав начин на живот меѓу децата и членовите на нивните семејства“, потенцира Кан.
Тој забраната за рекламирање во јавниот превоз ја најави како дел од пакетот мерки за превенција од прекумерна тежина кај децата.
Истражувањето на јавното мислење покажало дека 82% од граѓаните на Лондон ја подржуваат оваа забрана.
