Лошиот здив или халитоза, може да биде многу непријатна состојба, а во некои случаи може дури и да предизвика анксиозност. Затоа, не е чудно што полиците во маркетите се преплавени со гуми за џвакање, ментол бонбони, вода за плакнење на уста и други производи дизајнирани да се справуваат со лошиот здив. Но, реалноста е дека тие се само краткотрајно решение, бидејќи не го решаваат проблемот.
Одредена храна, здравствената состојба и лошите навики се меѓу најголемите причини за лошиот здив. Во многу случаи, може да се подобри со правилна хигиена на забите. Ако едноставните техники не го решат проблемот, треба да се посети стоматолог или матичниот доктор и да се утврди дали некоја посериозна здравствена состојба го предизвикува овој проблем.
Најчесто лошиот здив потекнува од устата, а за тоа има многу причини.
Храна. Разградувањето на честичките храна во и околу забите може да го зголеми размножувањето на бактериите и да предизвика непријатен мирис. И јадењето одредени видови храна, како што се кромид, лук и зачини, исто така може да предизвика лош здив.
Цигари. Пушењето предизвикува непријатен мирис на устата. Пушачите имаат поголема веројатност да имаат заболување на непцата, уште еден извор на лош здив.
Лоша хигиена на забите. Ако не ги миете забите секојдневно, безбоен, леплив филм од бактерии се формира на забите. Ако не се исчисти, плакот може да ги иритира непцата и на крајот да формира џебови помеѓу забите-периодонтитис.
Сува уста. Плунката помага да се исчисти устата, како и за отстранување на остатоците од храна кои предизвикуваат лоши мириси. Состојбата наречена сува уста или ксеростомија може да придонесе за лош здив, бидејќи производството на плунка е намалено. Сувата уста најчесто се јавува за време на спиењето, што доведува до “утрински здив” и се влошува ако спиете со отворена уста.
Лекови. Некои лекови можат индиректно да предизвикаат лош здив со тоа што придонесуваат за сува уста. Други,пак, со разложувањето во желудникот ослободуваат хемикалии кои може да се придонесат за непријатен митис од устата.
Инфекции во устата. Лошиот здив може да биде предизвикан и од хируршки рани по вадење заби или како резултат на распаѓање на забите, заболување на непцата или рани во устата.
Други состојби на устата, носот и грлото. Лош здив повремено може да потекнуваат од проблеми со крајниците, инфекции или хронично воспаление во носот, синусите или грлото.
Други причини. Болестите, како што се некои видови рак и состојби како што се метаболички нарушувања, можат да предизвикаат препознатлив мирис на мирис како резултат на хемикалиите што ги произведуваат. Хроничниот рефлукс на стомачните киселини исто така може да биде поврзан со непријатен мирис од устата
Третман
За да се избегне опасноста од лошиот здив, треба првенствено да се спречи појавата на кариес и да се намали ризикот од заболување на непцата, со постојано практикувње на добра орална хигиена. Третманот на непријатниот мирис од устата може да варира, во зависност од причината.
Ако причините се поврзани со оралното здравје, стоматолог може да препорача
Течности за плакнење на устата и пасти за заби. Средствата за испирање на устата ги убиваат бактериите, а постојат и пасти за заби кои содржат антибактериски агенс и спречуваат натрупување плак.
- Забите мора да се мијат после секое јадење, да се исчистат со забен конец најмалку еднаш во денот, најдобро навечер и да се чистат наслагите на јазикот со четката за заби.
- Ако имате вилици или мостови да се одржува редовно хигиената најмалку еднаш во денот или според упатствата на стоматологот
Третман на болести. Заболување на непцата може да предизвика повлекување на непцата од забите, оставајќи длабоки џебови кои се полнат со бактери, а понекогаш само професионалното чистење ги отстранува овие бактерии.
Избегнување на алкохол, цигари и одредена храна
Консумирање на многу слатки, како и зеленчук со силен мирис како кромид, лук, праз треба да се избегнува, особено доколку треба да се излегува во јавноста. Пиењето кафе, газирани напитоци и алкохол, исто така, доведува до сува уста, една од причините за лош здив
