Очите не се само органот кој ни помага да го видиме и да го доживееме светот околу нас. Тие, исто така, можат да ни укажат и на различни пореметувања во организмот како на пример хипертензијата, недостатокот на витамин А или проблеми со тироидеата.
Заради тоа од исклучителна важност е чувањето на добро здравје на очите. На нив, како и на секој друг орган им се потребни одредени нутриенти, кои мора да ги вклучиме во секојдневната исхрана, за да избегнеме состојби како перде, дегенерација на макулата или глауком. Намирниците кај кељот, слаткиот компир или лососот се одлични за здравјето на очите
Кељ
Овој темнозелен лисест зеленчук е богат извор на лутеин и зеаксантин кои ги штитат окото од оштетувања предизвикани од совчевата светлина. Содржи и витамин Ц и бета-каротен, ушта два нутриенти важни за здравјето на очите.
Сладок компир
Слаткиот компир изобилува со бета каротен кој помага да се забави развојот на макуларната дегенерација. Бета каротенот е перкусор на витаминот А кој спречува сушење на очите и развој на ноќно слепило.
Лосос
Лососот е богат со омега 3 масни киселини, а тие ги ублажуваат симптомите на суви очи. Покрај тоа, лососот е извор и на витамин Д, кој исто така помага во спречувањето на макуларната дегенерација.
Зелен чај
Антиоксидансите со кои изобилува зелениот чај помагаат да се избегне ризикот од катаракта и макуларна дегенерасија. Главна корисна состојка на зелениот чај е катеинот, кој има противоспалително и антиоксидантно дејство.
