Помага во одржувањето на енергијата на телото и како што ви е сигурно познато одлично освежува и е вистински избор во овие тропски денови.
Витамин А
Овој витамин е важен за заштита на здравјето на очите, а неговите својства помагаат во намалувањето на слободните радикали во телото.
Витамин Ц
Сите знаеме дека е потребен за јакнење на имунитетот, но витаминот Ц, исто така, ќе го забрза зараснувањето на раните, ќе го спречи оштетувањето на клетките, го подобрува здравјето на забите и непцата.
Витамин Б6
Витаминот Б6 е потребен за синтеза на серотонинот и норепифринот, кои се заслужни за доброто расположение.
Ликопен
И додека голем број луѓе мислат дека доматот е најдобар извор на ликопен, лубеницата го содржи во најголема концентрација, во однос на кое било друго овошје или зеленчук. Го намалува ризикот од кардиоваскуларни болести и макуларна дегенерација.
Калиум
Ако не сте љубител на банани, калиумот можете да го побарате и во лубеницата. Помага во опоравувањето на мускулите, го подобрува функционирањето на мозокот и нивото на електролити го враќа во рамнотежа. Исто така, ќе помогне во намалувањето на крвниот притисок.
Аминокиселини
Содржи аминокиселини аргинин и цитрулин, потребни за одржувањето на артериите и севкупниот кардиоваскуларен систем, а исто така, ја подобруваат и циркулацијата.
Вода
Лубеницата содржи околу 92 отсто вода, што значи дека е одличен избор за хидратација. Содржи малку калории, па е вистински сојузник кога се во прашање диетите.
