Уживањето во тестенините, всушност би можело да ви помогне да ослабете, покажува нова студија. Ако јадете три порции тестенини неделно, за 12 недели ќе ослабнете 0,5 кг, покажала нова студија.
Иако тестенините често се сметаат за непријатели на витката става, за разлика од другите јаглехидрати, шпагетите и макароните имаат низок гликемиски индекс,па поради тоа не предизвикуваат нагло покачување на шеќер во крвта.
Некои поранешни истражувања покажале дека храната со низок гликемиски индекс, побрзо ќе го засити човекот и подолго го држи сит, со што се намалува и внесот на калории.
„Потпирајќи се на докази, сега со сигурност може да кажеме дека тестенините немаат несакани ефекти на килажата, кога се консумираат со здрави намирници„, вели водечкиот автор на студијата доктор Џон Сивенпајпер.
Тоа секако, не значи дека треба секој ден да јадете тестенини. Доктор Мајкл Мосли вели дека за добра линија подоброе тестенини и леб да јадете за вечера, отколку за појадок.
Експертите претходно тврделе дека јаглехидратите најдобро е да се јадат на почеток на денот, бидејќи телото има доволно време да ја согоори глукозата која ја ослободуваат. Доколку телото не успее во тоа, се ослободува инсулинот за нивото на шеќер во крвта да се врати во нормала, а тоа се прави така што се складира шеќерот од јаглехидратите како масти, а последица на тоа е гоење.
Меѓутоа, новата студија покажа дека консумирањето на јаглехидрати навечер не доведува до зголемување на нивото на шеќер во крвта, туку внесувањето исти намирници за појадок.
