Стручњаците веруваат дека позитивните луѓе подобро се борат со стресот, со што се намалува негативното влијание на стресот врз здравјето. Исто така, тие се посклони себеси да си поставуваат цели и веруваат дека можат да ги остварат, што ги мотивира и да бидат физички поактивни и да јадат поздраво. Научниците од Универзитетот во Бостон следеле речиси 70 000 жени во текот на цела една деценија и 1 500 мажи во траење од 30 години. Утврдиле дека оптимистите имаат 11 до 15 отсто подолг животен век и дека имаат поголеми шанси да доживеат прилично длабока старост, односно да го дочекаат својот 85 роденден.
Најпозитивните жени меѓу испитаниците имале дури 50 отсто поголеми шанси да ја доживеат 85 година од животот, а најоптимистичните меѓу мажите имале 70 отсто поголеми шанси да ги доживеат тие години.
„Истражувањата идентификувале многу фактори на ризик за болести и рана смрт, но знаеме многу помалку за позитивните психолошки фактори кои можат да помогнат и да го „продолжат“ животниот век“, вели водечката авторка на студијата, доктор Луина Ли и додава: „Оваа студија затоа е мошне важна затоа што покажува дека оптимизмот е една таква психолошка ’алатка’ која има потенцијал на луѓето да им го продолжи животниот век.“
Ако не сте оптимисти не грижете се – студиите покажале дека оптимизмот може да научи! Медитација, бихејвиорално-когнитивна терапија и вежби на пишување можат да им помогнат на луѓето да имаат поведар поглед на светот.
