Просечната телесна температура од 37 степени, всушност веќе не е точна. Ладењето започнало во 1860 година, пишуваат стручните медиуми.
Џули Парсонет од Универзитетот Стенфорд, вели дека лекарите кои ја проучуваат телесната температура децении наназад, знаат дека 37 степени е висока температура, но во минатото секогаш мислеле дека е грешка во начинот на мерење, а не дека причината е во паѓање на телесната температура кај човекот.
За да ја докажат вистинската причина за тоа, Парсонет и нејзиниот тим проучуваке три група на податоци. Првата група се состоела од војници во американската Граѓанска војна, каде податоците се од 1860. до 1940. Втората група податоци била од 1971. до 1975., а третата од 2007. до 2017.
На просечно ниво, температурата на телото паѓала за 0.03 степени по деценија. Кај мажите температурата на телото паѓала за 0.59 степени, а кај жените за 0.32 степени. Што значи дека просечната телесна температура е 36.6, а не 37 степени како што вообичаено се мисли.
Парсонет и нејзиниот тим докажале и дека повозрасните лица имаат повисока телесна температура отколку помладите, без разлика која за која година се работи.
Објаснувањето е дека оваа промена се случила поради микробиолошките промени во луѓето денес, наспроти луѓето некогаш.
Иако температурата на телото никогаш нема да биде нула, Парсонет и нејзиниот тим и натаму очекуваат пад на температурата на телото, само не знаат до кога таа ќе се намалува.
