Пролетта е време кога природата се буди, но убавината, шареноликоста и миризливоста на растенијата носи и многу предизвици за луѓето склони на алергии. Мноштвото полени во воздухот, од кои некои се сериозни алергени, предизвикуваат непријатни симптоми како печење на очите, течење на носот и кивавици, кои пак можат, доколку не се третираат да преминат и во посериозни состојби.
Заради тоа многу е важно сите луѓе кои се склони на алергии да знаат кои растенија се најголеми алергени и да гледаат да бидат што подалеку од нив.
Амброзија-оваа билка расте насекаде, а нејзиниот полен е најчестиот причинител на алергиите. Добро е што поленот трае од октомври до декември, па во пролет од амброзијата нема опасност.
Топола-ова дрво произведува огромни количини полен во пролет, кој е причинител на многу алергии. Го препознаваме како големи бели топки, кои токму овој период ги побелуваат улиците и ни влегуваат во домовите.
Бреза– доколку кивате напролет, брезата е виновникот. Поленот е голем алерген, а ова нежно листопадно дрво го има речиси насекаде, и во дворовите и во парковите.
Зимзелени дрвја– постојат околу 70 различни видови зимзелени дрвја, меѓу нив и смреките и чемпресите, кои се алергени. Сезоната на нивните полени трае долго, од јануари до јуни, па треба да се внимава доколку растат во ваша близина. Доколку забележите дебели жолти наслаги, тоа е од боровите и предизвикува кивање
Даб– многумина се алергични на поленот од дабовите дрвја, кои на нашите простори се многу чести
Коприва– оваа билка, всушност е многу здрава и многумина ја употребуваат во секојдневната исхрана. Сепак, таа може да предизвикува и алергиски реакции, па во тој случај треба да се избегнува
Орев-поленот на оревот е чест предизвикувач на алергија и може далеку да патува низ воздухот, така што може да се изненадите доколку немате во близина, а сепак реагирате на неговиот полен
