Дали лукот е добра превенција против заразата од новиот коронавирус? Не штити ли конусмирањето алкохол од болести? Помага ли жешкиот туш да не се заразиме? Одговорите на сите прашања се “НЕ“.
Светската здравствена организција ги собра најчестите митови околу заштита од болеста КОВИД-19, кои се шират во светот и објаснува зошто според досега потврдените сознанија во истражувањата за новиот вирус, тие наводи се неточни, но и опасни. Како најважни мерки на заштита се препорачува темелно и често миење на рацете со сапун и вода или со средство на база на алкохол и држење на социјална дистанца.
- Заболуваат ли само повозрасните?
Не! Заболуваат сите. Лица од сите возрасни категории можат да се заразат од новиот коронавирус (2019-nCoV). Повозрасните лица и оние со постоечки медицински состојби, како астма, дијабетес и срцеви болести се поподложни на потешка форма на болеста.
- Може ли лукот да спречи инфекција со коронавирус?
НЕ. Лукот е здрава намирница и има некои антимикробни својства, но нема докази дека во оваа епидемија лукот им помогнал на луѓето да не се заразат.
- Консумирањето алкохол штити од КОВИД-19 болеста?
НЕ. Алкохолните пијалаци не штитат и може да бидат опасни. Честото и претерано консумирање алкохол може да го зголеми ризикот од здравствени проблеми.
- Изложувањето на сонце или ан температури повисоки од 25 степени Целзиусови, спречува КОВИД-19?
НЕ. Може да се заразите од КОВИД-19 без разлика на сончевото или жешко време. Најдобриот начин на заштита е често и темелно миење на рацете со сапун и вода и избегнување на допирање на лицето, како мерки на социјална дистанца.
- Дали жешката купка е корисна за заштита од инфекции?
Не, жешката купка нема да спречи зараза. Телесната температура останува околу 36,5 до 37 степени, без оглед на температурата на купката или на тушот.
- Немате вирус ако можете да го задржите здивот 10 секунди или подолго без да се закашлате.
НЕ. Задржувањето на задивот без кашлање или чувство на нелагодност не значи дека немате коронавирус или било која друга белодробна болест. Вирусот се потврдува со лабораториски тестови, а не со вежби за дишење.
