Лутината е поштетна од тагата за здравјетo на постарите од 80 години

Истражувањето покажало оти, за разлика од тагата, гневот и лутината кај постарите лице може да резултираат со развој на хронични болести.

Лутината и гневот повеќе му штетат на физичкото здравје на постарите лица од чувството на тага, а научниците велат дека можат да ги засилат воспалителните процеси поврзани со хроничните болести како болестите на срцето, артритисот и ракот. Ова се резултати од истражувањето спроведено над 226 жители на Монтреал на возраст од 59 до 93 години, објавило Американското здружение на психолози (АПА) во магазинот “Psychology and Ageing”.

Главната авторка на студијата Меган А. Барлои од Универзитетот Конкордиа појаснува дека лутината во повеќето случаи е резултат на тоа што повеќето од постарите лица заради годините повеќе не се во состојба да ги обавуваат сите активности како кога биле млади, дел тешко ја поднел загубата на сопружникот, а ниту нивната физичка подвижност повеќе не е иста.

Барлои вели дека истражувањето покажало оти, за разлика од тагата, гневот и лутината кај постарите лице може да резултираат со развој на хронични болести. Спровеле истражување за да се востанови дали лутината и тагата придонесуваат за развој на воспаленија, за природниот имунолошки одговор на организмот на инфекции или оштетувања на ткивата. Воспалителните процеси, генерално земено, му помагаат на организмот да се заштити од болести и придонесува за опоравувањето од болести или зацелување на оштетеното ткиво, но долготрајните воспаленија, напротив, резултираат со хронични болести во третото животно доба. Учесниците во истражувањето се групирале во помлади сениори (од 59 до 79 години) и постари сениори, односно оние од 80 години, па нагоре. За една недела учесниците во истражувањето пополниле куси прашалници за тоа колку се лути или тажни.

Авторите на студијата од примероците крв на испитаниците востановиле дека во нивниот организам се развило некое воспаление, а морале да одговорат и на прашањето дали боледуваат од какви било хронични болести поврзани со возраста.

Коавторката на студијата, доктор Карстен Врох вели дека се покажало оти секојдневното чувство на гнев било поврзано со повисоки воспалителни параметри и хронични болести кога се работело за личности на возраст од 80 и повеќе години, но истото не важело за помладите сениори. Студијата покажала и дека чувството на хронична тага во ниту една група не било поврзано со развој на воспаленија или хронични болести.

Меган Барлои појаснила дека тагата на старите сениори може дури да им помогне и во прилагодувањето на физичкото и когнитивното пропаѓање кое доаѓа со годините затоа што едноставно се помируваат со фактот дека некои цели веќе не можат да се реализираат. Студијата упатува и на тоа дека не се баш сите негативни емоции сами по себе лоши, како и дека во одредени околности можат да станат корисни, појаснила.

Истакнала и дека лутината и гневот се емоции кои кого било можат да го мотивираат да оствари некои животни цели, па младите сениори би требало да ги искористат како поттик во превладувањето на животните предизвици и губитоци што на крајот ќе им помогнат да останат поздрави.