Маите и Инките со почит се однесувале кон ова мало, но хранливо семе. Всушност чиата е збор на Маите кој значи „сила“. Ќе најдете многу сила во чиа семето, кое содржи низа хранливи материи. Важи за одличен извор на здрави есенцијални масни киселини – содржи осум пати повеќе омега-3 масни киселини од лососот. Чиа семето содржи и омега-6 масни киселини, антиоксиданти (само 1 г чиа семе е побогато со антиоксиданти дури четири пати повеќе од свежите боровинки) и протеини кои се и тоа како важни за здравјето.
Студиите покажале дека консумирањето на чиа семето, исто така, влијае на здравјето на косата и ноктите со оглед на фактот дека чиата е голем извор на протеини (20 %).
Чиа семето, исто така, е извор на најлесно сварливи растителни протеини, одличен извор е на диетални влакна, богато е со витамини, минерали, аминокиселини и антиоксиданти. Чиата е одлична за регенерација на кожата, но и согорување на мастите, го зајакнува организмот и позитивно влијае на органите за варење.
Нутриционистите се согласуваат дека ова семе е едно од најдобрите кое можете да го консумирате доколку се чувствувате слабо и без енергија затоа што влијае на работата на мускулите и ослободува енергија во вашето тело, па затоа често го користат спортистите. Ова семе содржи и 37 % прехранбени влакна кои ја поттикнуваат работата на цревата.
Диетата, односно исхраната базирана на чиа се покажала одлична во лекувањето рак на дебелото црево, како и за превенција од рак.
