Дали секој ден јадете црвено месо? Едно поново истражувања открило дека со намалување на консумирањето на оваа намирница, како и месните преработки можете да ја спречите појавата на смртоносни заболувања. Доколку на неделно ниво од менито исфрлите само три порции црвено месо би можеле да го намалите ризикот од појава на рак, срцеви заболувања и дијабетес тип 2, се тврди во студијата.
Истражувачите ги објавиле резултатите од студијата во која учествувале повеќе од четири милиони луѓе (меѓу кои се и оние кои секојдневно јадат црвено месо), кои покажуваат дека со едноставна измена во неделното мени може за 7 отсто да се намали ризикот од појава на заболувања од кои секојдневно умираат стотици илјади луѓе. Оваа измена се покажало дека најголемо влијание има кај ракот на желудник и црева, каде стапката на заболувања е намалена за цели 14 отсто.
„Знаеме дека консумирањето црвено и преработено месо може да го зголеми ризикот од појава на рак на црева. Затоа е важно оваа намирница да се намали во исхраната колку и да е можно тоа“, истакнала доктор Лорен Вигинс од центарот за истражување на рак на желудникот и додала: „Преработеното месо го зголемува ризикотод рак на црева, а постојат и мноштво докази кои укажуваат на тоа.“
