Примената на овие трикови ќе ви овозможат витамините повеќе да ви се апсорбираат во организмот, ќе научите како најдобро да го искористите лукот, како салатата да биде антиоксидантна бомба и како со само малку лимон калциумот полесно ќе стигне до сите органи.
Зголемете ја количината корисни масти поради погоема апсорпција на витамините
Маслиновото масло, јаткастите плодови или некој друг извор на здрави масти кај овошјето и зеленчукот ја зголемуваат количината на витамини растворливи во масти, како што се А, Е и К. Овие хранливи материи го подобруваат видот и имунитетот, и штитат од остеопороза и од мозочен удар. Всушност, мастите се превозниците на овие супстанции низ телото.
Искористете ги максимално антиканцерогените ефекти од лукот
Многу добро се познати сите придобивки по здравјето од лукот. Сепак, високите температури ја уништуваат алиназата – најважниот ензим во лукот, што делува антиканцерогено и го зајакнува имунитетот. Откако ќе ги исечкате чешнињата лук оставете ги да отстојат 10 до 15 минути пред да ги ставите во тава со загреано масло. На овој начин лукот ги генерира најважните хемиски материи во својот состав, што ги неутрализираат штетните ефекти од топлината. Секако, свежиот лук е секогаш најдобра опција.
Зачинете ја салатата за двојна доза на антиоксиданти
Употребата на билки во подготовката на разни салати двојно ја зголемува количината на антиоксиданти, а со тоа и нивните корисни ефекти. Во една нова италијанска студија откриено е дека лицата кои јаделе салати со додаток од маточина и мајоран внеле 200 % повеќе антиоксиданти во организмот од лицата кои јаделе само домат без додавање на билки. Зачините како што се ким и ѓумбир, исто така, изобилуваат со антиоксиданти.
Додадете сок од лимон во супа од месо за дополнителен калциум
Со оглед на фактот што киселата средина ја зголемува содржината на калциумот во месото, додатокот од лимонов сок во чорбите од месо е одличен начин се зголеми внесот на овој минерал во организмот. Истражувачите утврдиле дека содржината на калциумот во чорбите за месо се зголемува за 64 % кога во неа би се додал сок од лимон.
