Малите не се само вкусно овошје со убава боја, туку со нивно редовно консумирање ќе имате поубав тен, посилна и поздрава коса, подобро дигестивно здравје, здрав кардиоваскуларен систем, како и посилен имунитет и помал ризик од воспаленија. Така е затоа што ова овошје има силни антиоксидантни својства, а тоа значи дека ги намалува ефектите на слободните радикали и штити од рак на дебелото црево, дојка, грлото на матката, хранопроводникот и простатата. Фитонутриентите кои ги има во малината спречуваат ширење на клетките на рак, така што потикнуваат на апоптоза, односно самоуништување. Богати се и со влакна, фолна киселина, витамин К, E5, манган, магнезиум, бакар, калиум и омега-3 масни киселини.
Со редовна консумација на малини се одржува и нормалната телесна тежина, односно го поттикнуваат метаболизмот и го намалуваат ризикот од таложење масни наслаги, а со самото тоа и од развој на дијабетес, и тоа благодарение на кетоните кои ги има во овие зрнца, а кои се одговорни за контролата на гликозата во крвта.
Малините помаат и во заштитата од штетните сончеви зраци, како и во одржувањето на кожата, односно ја намалуваат појавата на брчки, стрии, егзема, дерматитис. Освен плодовите лековито својство има и листот, па чајот од оваа билка помага кај менструални грчеви, тешки крварења и вагинален исцедок. Како мошне ефикасен се покажал и во закрепнувањето на матката по породувањето, се користи за зајакнување на непцата, дезинфекција на крајниците, спречување на дијареа и заболувања на очите.
