Малиот број на сперматозоиди е поврзан со вишок на масно ткиво, зголемен крвен притисок и лош холестерол, покажува истражување спроведено во Италија на над 5.000 мажи. Испитаниците кои имале намален број сперматозоиди исто така се соочувале со пониски вредности на тестостерон. Според испитувањата мал број сперматозоиди со лош квалитет биле причина за тешкотии за зачнување кај секој трет пар.
Во истражувањето е утврдено дека мажите со мал број сперматозоиди имаат метаболички синдром, збир на фактори меѓу кои и зголемен индекс на телесна тежина и зголемен крвен притисок. Тоа ги зголемува шансите за развој на дијабетес срцеви заболувања или мозочен удар.
Овие мажи исто така имале 12 пати поголеми шанси за нисок тестостерон, што пак влијае на намалување на мускулното ткиво и густината на коските. Сето тоа, според шефот на истражувањето Алберто Ферлин, наведува дека неплодните мажи имаат поголеми изгледи да се соочат со здравствени предизвици или ризик фактори кои го влошуваат квалитетот на животот и можат да го скратат животниот век.
