Истражување, во кое учествуваа 5.177 мажи покажа дека оние со низок број на сперматозоиди имале 20 отсто поголеми шанси да имаат повеќе масно ткиво, висок крвен притисок и висок лош холестерол. Исто така, тие имале поголеми шанси да имаат пониски нивоа на тестостерон.
Авторите велат дека студијата покажала оти мажите со мал број сперматозоиди задолжително треба да се подложат на подетални испитувања.
Во истражувањето, научниците ги анализирале мажите во неплодните парови во Италија, за да утврдат дали квалитетот на спермата е поврзан со општото машко здравје. Тие откриле дека мажите со низок број сперматозоиди имаат метаболичен синдром – збир на фактори на ризик, вклучувајќи ги и повисокиот индекс на телесна маса и висок крвен притисок. Ова го зголемува ризикот од развој на дијабетес, срцеви заболувања и мозочен удар, заклучува студијата.
Овие мажи, исто така имаа 12 пати поголема веројатност да имаат ниско ниво на тестостерон, што ја намалува мускулната маса и коскената густина, и може да биде претходник на остеопороза, состојба во која коските слабеат и полесно се кршат.
Главниот истражувач Алберто Ферлин вели: “неплодни мажи имаат поголема веројатност да имаат сериозни здравствени проблеми или ризик фактори кои го влошуваат квалитетот на животот и може да го скратат животниот век.”
Анализата на плодноста дава единствена можност мажите да го проценат здравјето и да ја спречат повеќе болести. Научниците истакнуваат дека нивното истражување не покажува дека малиот број сперматозоиди предизвикуваат метаболички проблеми туку дека состојбите може да се поврзани.
